Zirtirtu aikal la leh mahni post-a awmlo dapchhuah tum.

Mizo Students’ Union (MSU) chuan Zirtirtu aikal la leh mahni thawhna hmuna awm duhlote dapchhuakin a \ul anga hmalak nise an ti.

MSU hian nimin March 12, 2014 khan Champhai-a I&PR Conference Hall-ah Federal Body Meeting vawi 3-na an nei a, he hunah hian thu ngaihtuah tura chhawpchhuah 7 te chu pawm vekin heng zingah hian Mizoram sorkar hnuaia sikul hrang hrangah aikal lak sorkarin a khap chungin aikal la leh mahni post-a awm \ha duhlo engemaw zat an la awm nia an hriat thu an sawi a, hetiang thil a thlen hian zirlai naupangte’n an tawrh phah \hin tih sawiin, hetianga aikal lak leh mahni post-a awm duh lo hi an awm tawh loh nan MSU chuan theihtawpa hmalak nise an ti a ni. Hei bakah hian MSU chuan rampum huap inkhawmpui hrang hrang, kohhran leh pawl hrang hrang te’n inkhawmpui lian an neih \hin chu sikul naupang exam pawimawh nena a inrual chang a awm \hin tih sawiin, hei hi zirlaite exam in nasa takin a tuar thei \hin tih an sawi a, hei hi pawi an tih thu sawiin, rampum huap inkhawmpui lian leh zirlaite exam pawimawh a inrual loh nan hmalak nise an ti bawk.
    MSU Federal Body Meeting hian Central leh State sorkar hna lakah rualbanlo te tan 3% seat reservation awm chu kan State bika kalpui a nih danah duhthu samlo deuh a awm nia a lan thu pawh sawiin, rualbanlo chung chunga harsa taka zir \auh \auh te’n an chanvo an luah pha lo fo niin an sawi a, hemi chungchangah hian hmalak nise an ti a. India ram leh rampawn lamah Mizote hnena hna pe theia inzuar tam tak awm ah belhchian dawllo a awm fo thu pawh sawiin, Mizo tam tak bumin an awm \hin tih pawh sawiin, hemi chungchangah hian hmalak nise an ti bawk a. Mizoram sorkar-a Higher & Technical Education Department chu Department lian leh pawi-mawh tak a nih avangin Directorate of Higher Eduction leh Directorate of Technical Education-a \hen hran a nih theih nan hma lak nise an ti bawk.