Lenkawl

Chapchar Kut ruahman tan :

Kumin January ni 1-a kum 18 tling chin te laa Photo Electoral Roll siam nimin a tlangzarh takah Serchhip District pumah vote nei mi 45,406 awmin E. Roll hmasa aiin vote nei mi 535 in an tam zawk.

Home Minister Pu R. Lalzirliana chuan Mizoram-a zu khap burna dan hman mek chu thlahdul hret a ni dawn tih sawiin, hemi chungchangah hian Kohhran hote rawn an nih chuan Kohhran pawi khawih sorkarin a hlauh avangin Koh-hran hote chu rawn a tum lo tih a sawi.

Disable Community Coach Trainin nei

NLUP Implementing Board in ruahmanna a siam angin Serchhip District chhunga tunhnai kum nga chhunga Tlangram Loneih tih tlem kawnga thawk \ha khua thlan an ni dawn.

Mizo Students’ Union (MSU) chuan Member of Par liament (MP) inthlanpui lo awm turah Election Commission of India in Mizoram pawna awm Tuikuk te duhsakna uchuak tak nena an awmna hmuna vote a thlak tir leh dawn a nih chuan MP inthlan neih tur chu an boycott tur thu an sawi.

Mizoram-a eptu party 4 te chuan nimin khan thuchhuah in\awm siamin 23rd Nov. 2013-a misualin an rukbo 3 zinga 1, Deep Mandal Vawiin thlenga chhuah ala nilo chu an dem thu an tarlang.

Chief Minister Pu Lal Thanhawla chuan khawi hmunah pawh awm ila India khua leh tui rinawm tak kan nih a pawimawh a ni, a ti.

Nimin a tlawmngai pawl hrang hrang-Central YMA, MUP, MHIP leh MZP te Aizawl-a MZP Office a \hukhawm chuan Tuikuk anmahni duhthu ngei a Mizoram chhuahsan tu Tripura Transit camp a chhuanlam hrang hrang insiamchawp a la chambang te chu February 2014 ral hma ngei a lak let hna kalpui turin sorkar thuneitute an ngen thu leh hemi ral hma a Mizoram a lo let duh lo te chu Mizoram Electoral Roll a\anga paih an nih theih nan a \ul ang apiang a hma akna kalpui nise a ti.

Ruling Block hruaitu thlanna :

Thingtlang mipui ten faina kawnga hma an sawn a hriselna \ha an neih theihna turin Nirmal Bharat Abhiyan (NBA) hnuaiah Serchhip District-a BPL chhungkua 4947 te inthiarna siam sak an ni tawh.

Sorkar kum kal mek 2013-2014 chhungin MGNREGS hnuaiah Serchhip District-a Job Card nei te tan ni 69 inhlawhna siam a ni tawh a, hemi atan hian cheng nuai 1418.32 sen a ni tawh.

Mizoram khawthlang lama ni 23.11.2013 a NLFT leh BDFM inti ten mi 3 an rukbona hmun Chikha a Mizoram sorkar-in Police Outpost siam a ruahman chungchang bawhzuiin helai hmun hi Home Minister, Pu R. Lalzirliana leh Parliamentary Secretary, Lt. Col.(Rtd) Z.S. Zuala te chuan Inrinni khan a tlawh.

Volleyball-ah champion te :

India Republic Day vawi 65-na chu nimin khan rampumah urhsun taka hman a ni a, Serchhip-ah pawh nimin zing dar 7:30 khan Leisekawt Field-ah District Bawrhsap Pi Juhi Mukherjee IAS hovin hman a ni.

Ramchhung hmun danga National Voters’ Day hman a nih rualin Inrinni kalta, Jan. 25, 2014 khan Serchhip-ah pawh National Voters’ Day vawi 4-na chu Serchhip District Election Officer, Bawrhsap ni bawk Pi Juhi Mukherjee IAS hovin hman a ni.

Mizoram a Winery pahnih Hnahlan leh Champhai in Grape Wine an siamchhuah rihloh avangin tunlai hian Mizoram hmun hrang hrangah Zawlaidi leh Zo Wine leitur a awm rihlo.

K. Oil-ah hma la

Nimin chawhnu dar 2:00 khan Serchhip District Bawrhsap Pi Juhi Mukherjee, IAS, hovin DC’s Meeting Room-ah Serchhip a Department hrang hrang leh tlawmngai pawl hrang hrang aiawhten Republic Day, 2014 Serchhip-a hman tur atana inpuahchahna te an thlirho.

ZNP Vice President, Pu K. Liantlinga chuan an party in MLA pakhatmah neilo mah se zam tur a nih loh thu sawiin, ‘Kum 2008 a MLA pahnih nei a kan tla ai khan kumin chu MLA pakhat mah nei lo mahila, ZNP te hi kan phur em em a ni,’ a ti.

Reserve Bank of India (RBI) chuan kum 2005 hma a pawisa (currency) note a pekchhuah ho, Rs. 1000/- leh Rs. 500/- huam in, March 31, 2014 a\angin a hnukkir (withdraw) dawn.

Serchhip-a PHE SDO Office sawn?

Serchhip khawchhunga Khawnvartui semtu Retailer-I leh III hnena Khawnvartui lak tum changlo mi engemaw zat awmin, nimin khan lak tur a awm tawhlo nia thudawn a ni a, thudawn danin K.Oil hi tun thla ni 20 a\ang khan se \an niin Retailer-I, Pu Peter Lalthanchhinga, Chanmari Veng leh Retailer No-III, Pu RL. Lungkhama, Vengchung te chuan nimin khan sem tur an nei tawhlo a, K. Oil la lalo erawh an la awm nual thung nia thudawn a nih bakah a man to in an hralh ngei niin kan thulakna pakhat chuan a tarlang bawk. Serchhip DCSO, Pu Rosangmawia chuan K. Oil semna hmun hi nimin khan a tlawh nghal nia thudawn a ni bawk.

Nikum (kum 2013) chhung khan Serchhip-a District Transport Office, Serchhip-ah Motor 727 Register thar a ni.

Nov. ni 23, 2013-a Tuikuk misual ten an rukbo an chhuah leh tak Mizo pahnih te chu nimin khan Aizawl thlenpui an ni a, chawhnu dar 1-ah Vanapa Hall kawtah anmahni lawmna leh an thla hualna hun hman a ni.

Tunhnaia din All Mizoram Opposition Joint Action Committee chuan inthlanpui neih takah EVM ah thil dik tawklo awm ngeia an hriat thu an sawi.

Khawvel-a Documentary, Short leh Animation Film Festival lar berte zing ami Mumbai International Fim Festival (MIFF) lo awm turah Mizo Film pahnih te chu chhuah tura thlan a ni.

YMA in hmalak tum

Serchhip District chhunga High School leh Higher Secondary School-a zirtirtute tan nimin a\ang khan Adolescence Education Programme Training chu Serchhip CMO Conference hall-ah neih a ni.

Nikum Nov. 23-a Tuikuk hel nia hriat ten an rukbo mi pathum zinga Mizo pahnih chu nimin khan a rubotute hian an chhuah nia thudawn niin nimin tlai khan Mamit thlenpui hman tura beisei an ni.

MJA Gen. Hqrs. chuan mi rukbo te chhuah an nih leh nihloh thu puanzar chungchang ah ‘dem tur leh mawhchhiat tur an awm a nih chuan Press mite ni lovin, sorkar a\anga an thu lakna (source) te an ni zawk,’ an ti.

Mizoram Sorkar chuan Ministry of Housing and Urban Poverty Alleviation hnuaiah Best State Award chi hnih a dawng.

Serchhip Town Rate & Wages Control Committee chu nimin khan \hukhawmin Serchhip-a Sa hralhna man hrang hrang an bithliah a, thla 6 (ruk) danah ennawn leh \hin tur a ni ang.

Nkum hmasa (kum 2012) aiin nikum 2013 khan Serchhip Police Station-ah thubuai ziahluh a tam zawk.

Rukbo te la chhuah loh MLA in an ngaithiamlo @@ Mizoram Labour Association (MLA) General Headquarters chuan thuchhuah siamin Tuikuk hel ten Nov. 23, 2013-a tlanna sum phuta an rukbo Sanglianthanga, Lalzamliana leh hnamdang pakhat Deepak Mandal, vawiin thlenga an la hreng chu an ngaihthiamloh thu leh an dem tak zet thu an tarlang a. Pawisawilo an labour pui rukbo an ni fo mai chu pawi an tih thu leh tunhnuah thleng nawn tawhlo se an duh thu tarlangin, tuna an ruk bo mekte pawh intiamkamna awm lova chhuah nghal turin a phut tih an tarlang bawk. Hei bakah hian Mizoram Labour Association chuan rukbote chhanchhuak tura MZP leh CYMA ten ‘Bo zawn hnatlang’ hun remchang hmasa berah nei tura an inbuatsaih mek chu an thlawp thu leh an Member pawh a tam thei ang ber fehchhuak ve turin an inruat fel tawh tih an tarlang a. Labour, Kut Hnathawk leh inhlawhfate chung ah hetiang thil hi a thleng nawn leh a nih chuan an Member puite thlavang hauh turin Labour Association chu a che chhuak ve tawh an

PRISM chuan MLA te Election Expenditure tlem lutuk chu rinhlelhawm an tih thu sawiin, Lok Ayukta \ha neih anih ngei nana hmalak zui zel an tum thu an sawi.

Bike in Pu Kapzauva su

Serchhip Excise & Narcotics Department chuan nikum (2013) chhung khan MLTP Act hnuaiah mi 245 manin thubuai 282 an siam a, ND&PS Act hnuaiah mi 41 manin thubuai 29 ziahluh a ni bawk.

Burma rama Mizo awm te chuan mi \henkhat ten 'Mizo II' tiin an sawi \hin nia sawiin an rilru a na tak zet tih tunhnaia Zofa Friendship Tour a kal chanchinbumite hnenah an sawi.

November ni 23, 2013-a Chikha hmun a\anga Mizo 2 leh hnamdang 1 rukbo vang khan Tripura lamah Mizoram a\angin Tuikuk 900 vel tlanchhia nia sawi a ni a. Tripura leh Mizoram sorkar hotute inbiain Tuikuk te himna tur an sawiho tih 'Times of India' (TOI) chuan a ziak a, he meeting chungchang hi Home Minister R Lalzirliana chuan engmah a hriat ve loh thu a saw i.

Food, Civil Supplies and Consumer Affairs Minister Pu John Rotluangliana chuan sorkar laipuiin a tihpuitlinna tur sum a pek hma chuan National Food Security Scheme chu Mizoram-ah hman a ni lovang, a ti.

Serchhip-a Agriculture Department-a thawkte chuan ‘Samari Mi\ha Bawm’ an siama sum leh pai tlingkhawm hmangin nimin khan Old Age Home, Orphanage Home leh Zoar Deprived Children Home-ah te Buhfai bag khat leh Alu bag khat \heuh Krismas thilpek-ah an hlan a. Hei bakah hian JN Hospital Poor Fund-ah Rs. 1500/- leh Veng hrang hranga mi 5 thlanchhuah te hnenah Rs. 1000/- \heuh an hlan bawk a, heng thilpek te hi Pi Mary Lal-lawmkimi, AEO hovin DAO Office-a thawktu ten an hlan a ni.

Congress kaihhruai sorkar chuan sorkar hna pawimawh thawk turte a ruat thar zel a, Minister hlui Pu JH. Ro\huama chu Cabinet Minister rank-in NLUP Implementing Board Chairman atan ruat a ni a. Pu S. Lal-dingliana chu Lunglei High Power Committee Vice Chairman atana ruatin Pu T. Sangkunga chu Youth Commission Chairman-ah dah a ni a, Pu John Siamkunga chu Law Commission Chairman atan ruat a ni bawk. Hetihlai hian Mizoram State Planning Board Vice Chairman atan Pu H. Liansailova (Ex-Minister) chu ruat a ni a, he hna chelh tur hian Appointment Order pawh tihchhuah ni tawhin nimin khan rinawmna thu tiam tira lakluh a ni. Pu H.Liansailova hi Cabinet Minister rank pek a niin a hlawh leh facility dangte pawh Cabinet Minister angin a dawng ang.

Nimin khan Aizawl-a Assembly Conference Hall-ah Mizoram sorkar-a Parliamentary Secretary tura ruat thar 7 te rinawmna thutiam tira lakluh an ni.

Nithum awh Mizoram Legislative Assembly 7-na \hutkhawm vawikhatna chu nimin khan tiamchin awm lova tihtawp a ni a, niminpiah a House chhunga Larsap thusawi chungchanga lawmthu sawina Motion chu sawiho a nih hnuah pass a ni.

Nimin a Mizoram Legislative Assembly \hutkhawm ah Aizawl East-I bialtu MLA, Pu R Lalrinawma chu Deputy Speaker atana chuhtu awm lovin tlingah puan a ni.

Serchhip-a Fisheries Department chuan nimin khan a\ang NLUP 2nd Phase dawngtute hnenah MOP leh Urea an semchhuak a, Fisheries Department hnuaiah hian NLUP 2nd Phase-ah \anpuina dawngtu mi 84 awmin MOP bag khat (1) leh Urea bag hnih (2) sem a ni a, Chinai thi (Slake Lime) pawh a duh tan lak theih a ni bawk a ni.

Nimin khan Serchhip DC’s Meeting Room-ah SDO (Sadar) Pu Lawm-kima, MCS hovin sorkar Department hrang hrang aiawhte \hukhawmin Krismas leh kumthar vuakvet-a khawpui chhung hmun hrang hrang chei chungchang sawihoin, tunhnai maiah inthlanpui neih anih avang te, hun a chep tawh avang leh sum leh pai harsatna te avangin kumin chuan khawpui chhung hmun hrang hrang te hi cheiloh mai nise an ti. Hetihlai hian Serchhip Kawnpui South Branch YMA chuan mi tlawmngai te sum leh pai thawhkhawm hmangin Bazar vel an chei tawh thung a ni.

‘NLUP chhunzawm zel a ni dawn’ - Larsap Mizoram Legislative Assembly 7-na \hutkhawm hmasa ber neih mekah nimin khan Larsap, Pu Vakkom Purushothaman chuan member thlan tharte hmaah thuchah a sawi.

VC in inhlawhna siam

Mizoram State Legislative Assembly 7-na \hutkhawm hmasa ber chu nimin khan neih \an a ni a, nimin a Session \an Ni hian Palak bial a\anga thlan tlin Pu Hiphei chu Mizoram State Legislative Assembly 7-na Speaker atan chuhtu awm lova tlinga puan a ni.

MZP Gen. Hqrs. President, Pu Lalhmachhuana chuan kan ram chhungah remna tak tak a awm theih nan MZP chuan a tawp thleng in hma a la zel dawn a ni, a ti.

Nimin khan NLUP Line Department aiawhte leh NLUP Implementing Board (NIB) hotute chu \hukhawmin NLUP sem chhunzawm dan tur an sawiho.

Inrinni kalta zing khan Serchhip Chanmari Veng leh Venglai inrina kawrh-ah Television (Samsung) leh Gas Cylinder bur ruak chu chhar a ni a, he thil hi misual tute emaw tih ni ngeia hriat a nih avangin Police te hriattir niin Police, VC, YMA leh VDP ten an chhui hnuah Pu MC. Lal\anpuia, Serchhip AOC Veng-a Pi Saimawii Sailo te In luahtute ta a ni tih hriat a ni a. Pu Lal\anpuia hi Govt. Higher Secondary School, Serchhip-ah Lecturer niin chawlh hmangin an khua (Far-kawn) lamah an haw mek a, heng thil latu nia rinhlelh hi Police te chuan an man tawh a, chhuichian mek a ni.

Inrinni kalta Dec. 14, 2013 khan Pu Lal Thanhawla kaihhruai sorkar thar chu lakluh a ni ta a, Chief Minister lakluh a nih rual hian Cabinet Minister atan mi 7 leh Minister of State atan mi 4 lakluh an ni bawk.

Mizoram Chief Minister atana lakluh thar Pu Lal Thanhawla chuan Mizoram chu eiruknaa fihlim state a nih thu a sawi.

Facebook-a Special Group in member nuaikhat an neih lawmna atana Mizoam puma thisen pekna hun nimin a an buatsaih ah JN Hospital Serchhip-ah pawh thisen pekna hun hi buatsaih niin mipa 11 leh hmeichhia 3, an vaiin mi 14 ten an thisen an pe a, heng mi tlawmngai te hi Blood Bank-ah kalin thawktu ten an thisen hi an lak sak a ni.

Mizoram Journalists’ Association (MJA) Gen. Hqrs. President, Pu C. Lalrambuatsaiha chuan niminpiah khan zankhat ziakin Ser-chhip District MJA te a rawn tlawh a, nimin khan Serchhip District MJA Member te nen inkawmna hun neiin hetah hian Press Accreditation chungchang te, Journalist’ Welfare Rules chungchang te, Chanchinbu te tana RNI chung-chang te leh Advertisement chung-chang bakah MJA hmalakna hrang hrangte an sawiho a ni. MJA President hi MJA Gen. Hqrs. a\angin Secretary pakhat in rawn \awiawm in hemi hma hian Lunglei leh Hnah-thial a tlawh bawk a ni.

Nakum January ni 1-a kum 18 tling chin te laa Electoral Roll siam \hat tur atan nimin khan Serchhip District-a BLO te tan training neih a ni.

SJSRY hnuaia Serchhip District chhunga BPL chhungkua ten eizawnna nghet an neih theihna tura training chhuak mi 65 te hnenah nimin khan Certificate leh hmanrua sem an ni.

Kumin August leh October thla chhungin Mizoram State Legal Services Authority chuan thubuai nei Ukil rawihna tur nei lo mi 339 te tan Ukil a rawih sak thu State Legal Services Authority Member Secretary, Pu Thanglianmang Guite chuan a sawi.

YMA Sub-Hqrs. Serchhip chuan Tuikuk hel nia hriat ten Nov. 23, 2013-a Dampa ngaw a\anga mi 3 an rukbo te chu chhuah thuai an phut thu an sawi.

Mizoram Legislative Assembly inthlanpui neih ah bial hrang hrang result hriat kim a ni ta a, Indian National Congress (INC) chuan seat 40-ah seat 34 lain sorkar thar an siam dawn a ni.

Nimin khan I&PR Auditorium, Aizawl-ah Mizoram State AIDS Control Society (MSACS) thawhpui NGO (Non Government Organization)-te kumkhat chhung hnathawh thlirlet a ni a, Mizoram hmun hrang hrang a\angin tumbik (Target) nei a HIV/AIDS darh zel tur venna kawnga hnathawktute an lo kal khawm a ni.

Nakum January ni 15 a\anga ni 17 thleng khian Rajiv Gandhi Stadium Mualpui-ah Sipai Lak Runpui buatsaih a ni dawn a, he Sipai lak runpui-ah hian Mizo \halai a tam thei ang ber an tlin theihna turin hmalak mek a ni.

Election Commission of India thupek angin nimin khan EVM chhiat vanga vote chhiar theihlohna, Lawngtlai District chhunga 38-Lawngtlai East huamchhunga Polling Station Number 30-|ialdawngilung ah nimin khan mipui ten vote an thlak \ha leh.

Congress Lagislature Party (CLP) chu nimin khan \hukhawmin Congress Legislature Party (CLP) hruaitu atan MPCC President, Pu Lal Thanhawla chu thlan a ni.

Nimin khan Premier Schools Exhibition vawi 10-na chu Aijal Club-ah neih \an a ni a, Pi Esther Lalruatkimi, Secretary to Govt. of Mizoram chuan he Exhibition hi a hawng a ni.

MPCC President Pu Lal Thanhawla leh AICC Gen Secretay, hmarchhak state bialtu Luizinho Faleiro te chuan thuthar lakhawmtute hmaah Inrinni hian sorkar thar siam anih tur thu an sawi.

MPC Party President, Pu Lalhmangaiha Sailo chuan Assembly inthlanpui neih taka Indian National Congress (INC) hneh taka thlantlin an ni chu kum 5 chhung sorkarna an chan chhunga Zoram hmasawnna atana an hmalakna leh hmachhawp la tih hlawhtlin loh tam tak te an thawh chhunzawm theihna tura mipui in hun an pek vang nia a hriat thu a sawi.

Mizoram Pradesh Congress Committee (MPCC) President, Pu Lal Thanhawla chuan Assembly inthlanpuia an party in hnehna a chang chu lawmawm a tih thu sawiin, an party Workers te thawhrah liau liau a nih thu a sawi.

Lawngtlai District chhunga 38-Lawngtlai East huam chhunga Polling Station Number 30-Tialdawngilung ah Vawiin hian inthlan\hatna neih a ni dawn.

MNF President Pu Zoramthanga chuan, MLA Gen. Election 2013 result-a MDA-in hnehna a chang lo chu Pathian remruata a ngaih thu a sawi a, “Kan chak loh hi kan pawm a, Mizo Nationalism erawh hneh a la ni lo hi kan lawm a ni,” a ti.

Nimin khan ZNP chuan an party Office-ah inkhawm an nei a, he hunah hian an President, Pu Lalduhoma chuan Assembly inthlanpuia an tlak chhan te a sawi.

Nov. 25, 2013-a Mizoram Legislative Assembly inthlanpui neih a vote tla te chu nimin khan chhiar a ni ta a, rorellai Indian National Congress (INC) chuan seat 40-ah seat 33 lain party mala sorkar siam thei khawpin hnehna an chang leh a ni.

Candidate Party Vote Candidate Party Vote Candidate Party Vote 1-HACHHEK : 14-AIZAWL EAST-II : 28-HRANGTURZO : Lalrinmawia Ralte INC 7852 Lalsawta INC 4992 Lal Thanhawla INC 5173 Saikap\hianga MNF 5519 Sailothanga Sailo MNF 4815 Lalthansanga   MPC 3545 Lalzamlova Tochhawng ZNP 1139 K. Laltuvela ZNP 3131 H.Lalduhawma ZNP 3412 Pazawna BJP 155 15-AIZAWL WEST-I :     F. Remkhuma JMB 29 Lalhmingthanga NCP 2467 Tlangthanmawii INC 5925 Lalawmpuia Renthlei IND 39 2-DAMPA : K. Sang\huama MNF 6387 29-SOUTH TUPUI : Lalrobiaka INC 6172 Lalduhoma ZNP 4894 John Siamkunga INC 4912 Liansuama MNF 5011 Kapmawia Ralte BJP 105 ZH. Ropuia MNF 3217 Lalrimawia ZNP 2878 16-AIZAWL WEST-II :     J.

Mizoram Public Service Commission (MPSC) in Competitve Exam a buatsaih result chu nimin khan  tihchhuah a ni ta a, Mizoram Civil Service (MCS) Junior Grade-ah mi 14 tlingin an zingah hian hmeichhia 7 an tel a, Mizoram Finance & Account Service (MF&AS)-ah mipa 2 tlingin Mizoram Police Service (MPS) Junior Grade-ah mipa 5 an tling bawk. MCS Tling thar te :

Assembly inthlanpui a vote tla te karleh Thawh-\anni-a chhiar turah thuthar puandarh dan tur chungchang ah ruahmanna siamfel a ni tawh.

Assembly inthlanpui neih a Serchhip District chhung Constituency pathum-a vote tla te chu Mizoram hmundangte rualin karleh Thawh\anni khian chhiar a ni dawn a, ruahmanna peihfel thawkhat a ni tawh.

Association for Environmental Preservation (ASEP) chuan nimin khan Aizawl Press Club ah ramngaw leh nungcha humhalhna kawnga thawk \ha mi 9 te hnenah Chawimawina Citation an hlan.

Assembly inthlanpui neih zawh taka vote tla te chu karleh Thawh\anni, Dec. 9, 2013 zing dar 8:00 a\ang khian District hrang hrangah chhiar a ni dawn ta a, hemi atan hian ruahmanna pawh peihfel thawkhat a ni tawh a ni.

All India Radio, Aizawl chuan tun \um MLA Inthlan Vote chhiar ni (9.12.2013) zing dar 7:00 a\anga chawhnu dar 2:00 inkarah Special Live Programme a buatsaih dawn a. Zing dar 9:00 a\angin darkar tin Inthlan result puan a ni anga, Result puan inkarah Inthlanna chung-chang thil pawimawh, ngaihnawm leh bengvarthlak tak tak sawihona hun buatsaih tum ni bawkin inthlan a tling te leh Party hruaitute live interview neih a ni bawk ang.

MZP General Headquarters huaihawtin nimin khan Aizawl atanga Tuipuibari thlenga ke a Remna kawngzawh (Long March) chu Aizawl a\angin neih \an a ni. 

Synod Inkhawmpui vawi 90-na chu Aizawl Ramhlun North Presbyterian Kohhran Biak Ina neih mek a ni a, niminpiah khan rorel inkhawm \an niin Moderator (elect) ah Rev. Lalrinmawia thlan a ni.

Aizawl District chhunga Square kilometre 1284, za zela 36.58 chu khuarel chhiatna chi hrang hrang thlen theihna hmun hlauhawm a ni.

2nd Division Final khel dawn :

Mizoram Ginger Grower Association (MGGA) chuan kumin (2013) ah hian Sawhthing lei duha zawngtu te duh dan ang anga Sawhthing hralh mai lo turin Sawhthing chingtute chu an ngen.

Thla kalta Nov. 23-a Chikha Anti Poaching Camp hlui bul a\anga mi pathum rukbo zinga hnamdang, Deep Mondal-a ruaitute hnen ah heng mi rubotute hian tlanna sum cheng vbc. 5 an phut.

Nimin khan Aizawl District Deputy Commissioner leh District Election Officer nibawk Dr. Franklin Laltinkhuma hovin, Mizoram General Election 2013 result puan dan tur Pu Lalchungnunga, Additional Deputy Commissioner; Pi Lalchhandami, Election Officer leh Pu David L. Thangliana, Deputy Director, Information & Public Relation Department aiawhte chuan an rel ho.

Chhiatrupna thlen thulha chet lak dan ruahmanna bu ‘State Disaster Management Plan’ leh Aizawl District huam chhunga hmun hrang hrangte him leh himlo leh chung hmun te derthawn dan zirchianna map bu ‘Hazard Risk & Vulnerability Analysis of Aizawl District’ chu nimin khan tlangzarh a ni.

Health Multipurpose Service Association chuan thuchhuah siamin an Member NRHM hnuaia Contract Health Worker-a thawkte chuan harsatna an tawk mek niin an sawi.

MJA Serchhip District chuan nimin khan Serchhip Times Office-ah Executive Meeting neiin kumin atan Dec. 20, 2013 thlengin tualchhung chanchinbu te tichhuakin Dec. 21, 2013 a\angin Krismas leh kumthar chawlh hman nise an ti a, kumthar (2014) atan Jan. 6, 2014 (Thawh\anni) ah tualchhung chanchinbu te hi tihchhuah leh nise an ti bawk. Hei bakah hian Dec. 20, 2013 khian Advance Krismas chu hman nise tiin hetah hian miharsate \anpuina tur sum thawhkhawm leh nise an ti bawk.

Association for Voluntary Blood Donation (AVBD) Serchhip Branch ten ruahmanna an siam angin Serchhip-a Seventh-Day Adventist \ha-lai pawl, Adventist Youth Federation (AYF) Serchhip Branch te chuan damlo a mamawh apiang ten an hman tura JN Hospital Serchhip Blood Bank-a dah turin nimin khan thisen an pe a, thisen petute hi mipa 8 leh hmeichhia 3, an vaiin mi 11 an ni.

Nimin (3rd Dec. 2013) kha World Disable Day a ni a, he Ni pual hian Serchhip-ah pawh SSA Mission Serchhip, Shalom Spastic Society leh DC Serchhip \angkawp Chawhnu dar 3:00 khan Serchhip DC’s Bungalow-ah hun hman a ni.

 Lirthei khalh chunga Phone hman phal a ni lo. Zoram Drivers’ Union (ZDU) huaihawtin nimin a\ang khan Mizoram pumah Fimkhurna Hapta, Road Safety Week vawi 33-na chu hman \an leh a ni a, Serchhip-ah pawh ZDU Sub-Hqrs. Serchhip huaihawtin he Hapta hi hman niin nimin zing khan he Hapta hawnna hi neih a ni.

Niminpiah (2nd Dec. 2013) tlai dar 3:00 vel khan Serchhip Police leh 14th Assam Rifle \angkawp te chuan Serchhip District chhung Khawlailung leh Chekkawn inkarah TATA 207 (MZ-04/4240) a\angin ralthuam tawlruk \hahnem tak leh heng ralthuam rawn kengtu mi 2 te an man.

Election Commission of India thupek angin Mizoram Electoral Roll hman lai chu tunthla atang hian ennawn leh a ni dawn a, hetah hian nakumJanuary ni 1 a kum 18 tling chin thun belh theih a ni dawn a ni.

CENTRAL YOUNG MIZO ASSOCIATION MIZORAM : AIZAWL KRISMAS LEH KUMTHAR THUCHAH

Lawngtlai-a Inter-District Under-14 Football Championship khelh mekah nimin khan Serchhip District chuan Lunglei District chu 4-1 in an hneh a, heti hian Group Match vawi 2 khelh tawh ah vawikhat chakin vawikhat an chaklo a, an Group Match-ah hian Saiha la tum lehin an hneh a nih chuan Semi Final an lut thei dawn a ni.

Serchhip-IV VC te hmalakna in Serchhip Chanmari Kawn a\anga Chanmari Thlanmual panna, kawngchung zawk chu nimin a\ang khan Motor kal theih turin MGNREGS sum hmangin laih a ni a, he kawng hi laihthlang a nih chuan awlsam zawkin Tarpi Tlang-ah motor a kal thei tawh dawn a ni. He kawng laihna atan hian Pu C. Lalremliana leh Pi Ngurthani te chuan an ram an pe a, Serchhip-IV VC te chuan ram petute chungah hian an lawm hle tih an sawi bawk.