Lenkawl

Labour & Employment Department hnuaia Building & Other Construction Workers Welfare Board chuan kumin August thla thleng khan mi hnuaia In hlawhfa te hnenah cheng 4,56,94,900 an sem chhuak tawh.

Mizoram Kohhran Hruaitute Committee (MKHC) chuan sual dona kawnga Central YMA hmalakna chu chhuanawm an tih thu sawiin, hetihrual hian an hmalakna ah fimkhur se a duh tih an sawi.

Pathianni zan dar 6:15 vel khan Kawnpui Bangla Veng-a Pu Than\hianga tunu hmeichhe naupang kum 6 vela upa chu Laldinpuii (Mapuii) inti chuan a motor channa hmun a\angin a hruai bo a, nimin chawhma dar 11:00 vel khan Kawnpui leh Bualpui inkarah a naupang rukbo nen hian man a ni.

Storage Point Price ennawn a nih avangin Mizoram hmun hrang hrang a Tuialhthei (MS, XP & HSD) man chu a hnuaia mi ang hian tih danglam a ni:-

MPF General Secretary Upa Lalramthanga chuan Mizoram-a inthlan dawna hma an lakna chungchang ah Election Commission of India (ECI) duh dan chu an en ber thu a sawi.

Tripura Relief Camp a awm Bru-te laklet chhunzawm leh turin Food Corporation of India (FCI)-in Bru lokir te ei tur buhfai a pekchhuah theih hun nghah mek a ni.

Mizoram-a Food Security Scheme hman ve a nih theihna atan inbuatsaih chhoh mek zel a ni a, thingtlanga cheng za zela 81 chuang huam tir tur a ni.

MGNREGS hnuaia Village Employment Council (VEC) ten a \ulna apianga an hman turin tunhnai khan Rs 1,21,500/- hmuh a ni a, heng sum te hi Serchhip District chhunga VEC tin te hnenah MGNREGS Administrative Coat atan semchhuah a nih thu MGNREGS Programme Officer, Pu Robert C. Lalhmangaiha chuan sawiin, New Serchhip VEC-ah Rs. 6500/-, Serchhip-IV VEC-ah Rs. 6000/-, Serchhip-I VEC-ah Rs. 5000/-, Serchhip-II VEC-ah Rs. 3500 leh Serchhip-III&V VEC-ah Rs. 3000/- ve ve te bakah Chhiahtlang VEC-ah Rs. 6000/- a semchhuah a ni a, pawisa hi Job Card tam dan a zira pekchhuah niin Job Card nei tam apiangin an dawng tam a ni.

Sorkar laipui in thingtlang mipuite hmasawnna tura programme chi hrang hrang a siam mipuite hnena inhrilhhriatna hun, Bharat Nirman Public Information Campaign (PIC) chu Serchhip District-a a \um thumna atan Sept. 11th-13th, 2013 chhung khian nei leh tum a ni.

Transport Minister Pu PC. Zoram Sangliana chuan Rs. 34,24,630/- senga sak Bairabi-a RMSA Building chu nimin khan a hawng.

Zoram Nationalist Party (ZNP) in Aizawl a\anga Lunglei thleng tura ‘Save Mizoram Long March' an neih meka tel te chuan a ni 5-na atan nimin khan Thenzawl a\angin Ramlaitui an thleng a,

Mizoram Co-operative Apex Bank chuan Kohhran 840 hnenah Biak In sakna loan a pe tawh a, Kohhran zingah loan rul theilo an la awm lo.

Tourism Minister Pu S. Hiato chuan tunhnai khan S.Vanlaiphai, Darzo Bualpui ‘Ng’ leh Sangau khua ah te Tourist Lodge sak thar a hawng.

Kumin a YMA General Conference, Khawbung khua a neih tur atan mikhual thlenna tur chu hetiang hian Reception Committee te'n an duang a, mahni thu thua inkulh tum ngawt Reception Committee te chuan an phal lova, chuti anga be rawn duh tân a hnuaia hming leh No ziakah hian a biak pawh theih a ni.

Mizoram sorkar Flagship Prog-ramme, NLUP hnuaia Serchhip District khaw \henkhat-North Vanlaiphai leh a chhehvel khuate leh Serchhip khuaa mite hmalakna documentary chu ni 30th August, 2013 (Zirtawp) zan dar 9 ah hian LPS-1 kaltlangin tihchhuah a ni dawn a. Tin, he documentary vek hi ni 31st August, 2013(Inrinni) tlai dar 4:23 ah DDK Aizawl kaltlangin tihchhuah a ni bawk ang.

Nimin (29.8.2013) khan Serchhipa thu leh hla lama tuimi inzawmkhawm pawl Serchhip District Academy of Letters(SEDAL) te chuan 'Mizo Tawng Humhalh' chungchang seminar Hmar Veng YMA Hall-ah an nei a, he hunah hian hetiang lama tuimi leh sawmbikmi engemaw zat an kalkhawm.

Chief Minister leh bialtu MLA ni bawk, Pu Lal Thanhawla hmalakna a Serchhip Bazar-a Sa zawrhna building chung zawl, bungrua zawrh nana an hman mek a chung zar hna thawh chu zawhfel a ni ta a, nimin lam khan mipuite pawhin thawm-hnawm leh thildang zawrhna atan an hmang \an nghal a ni. He building chung zarna atan hian Thingzai hmangin a rel siam a ni a, a chung atan Rangva hmangin Serchhip-IV VC ten a siam hna hi an thawk nia thudawn a ni bawk.

YMA Sub-Hqrs. Serchhip chuan nakum-a YMA Sub-Hqrs. Conference chu East Lungdar-ah neih nise an ti a, YMA General Conference neih turah Agenda 5 thlen nise an ti bawk.

Champhai Vengthlang, IB Veng-a mihring chenna ruam hmun zau tak chu tunlai ruahsur nasa vangin min chhe mai thei dinhmunah a din avangin Vengthlang huamchhunga In 13-a cheng chhungkaw 16-te insawn chhuahtir an nih hnuah Aizawl panna kawngpui thlang lam, Kanan Veng huamchhung In 12-a cheng chhungkaw 15-te pawh insawnchhuahtir leh an ni.