Home Minister in Police a fak

Home Minister K. Sapdanga chuan Ruihhlo man leh Myanmar atanga lo kal kuhva ro thunun kawngah Mizoram Police-te chu an thawk tha hle tih Zirtawpni kalta Mizoram Police Service Association (MPSA) Conference vawi 16-na Arya Mess, Police Headquarters, Aizawl-a a hmanpui na ah a sawi a, Home Minister chuan sawrkar hnathawk zingah Police chu mipui beisei san bik an ni tih sawiin, Mizoram Police in ruihhlo an man hrang hrangte leh thenawm ram Myanmar atanga lokal kuhva ro a thunun kawngah fakawm a tih thu a sawi a, an hnathawh that chu chhunzawm zel a pawimawh thu a sawi bawk. Mizoram DGP Sharad Agarwal pawhin Police hna chu inpekna nena thawh ngai a ni tih sawiin, dan zawma ram leh mipuite venhim hna chu dam chhan tlak thil ropui tak a ni tih hre reng turin a chah bawk.