FCRA-a hmalakna sawilang

Mizoram Legislative Assembly thutkhawm nimin-a neih ah GAD changtu Chief Minister Lalduhoma chuan Foreign Contribution (Regulation) Act (FCRA) chungchanga MNF Member K. Laldawngliana zawhna ziaka chhangin FCRA Bill 2026 chu Mizoram Sawrkar leh Mizo-ram Kohhran Hruaitu Committee leh Council of Churches in Mizoram aiawhin August 6, 2026-ah Union Home Minister hnenah Joint Memorandum thehluh a ni tih sawiin, “He Memorandum ah hian Bill hi withdraw leh turte, Withdraw a rem lo anih pawhin siamtha leh turte in point hrang hrang thehluh a ni,” a ti a. “Hemi hnu August 9, 2026-ah Union Home Minister hnenah he Bill hi pass lova Joint Parliamentary Committee a refer mai turin Chief Minister leh MKHC leh CCM hming hian ngenna thlen leh a ni a. He ngenna ang hian August 12, 2026-ah he Bill hi JPC-ah refer a ni ta a ni,” a ti bawk.