Kumin ah Dengue vei 132 hmuhchhuah an ni tawh

Zonuna Kawlni /

Kumin chhungin Mizoram-ah Dengue natna kai hmuhchhuah mi 132 an awm tawh a, nunna chan erawh an awm lo.

    Inrinni kalta May 16, 2026 khan Health & Family Welfare, National Health Mission hnuaia National Vector Borne Disease Control Programme (NVBDCP) chuan ram pum huap Dengue dona Ni, ‘National Dengue Day’ an hmang a. He huna an tarlan danin Mizoram-ah kumin January leh April inkar chhung khan Dengue natna vei rinhleh mi 2,055 endik zingah he natna vei hmuhchhuah hi mi 132 an awm a, nunna chan an awm lo a ni. Nikum 2025 chhung khan Mizoram-ah Dengue natna vei mi 1,482 hmuhchhuah an ni a, nunna chan an awm lo bawk a ni. Dengue natna hi Mizoram-ah mi 8-in an thihpui tawh a, kum 2022 khan mi 5-in an thihpui a, kum 2023 khan mi 2 leh kum 2024 khan mi pakhat in a thihpui a ni. Kumina Dengue natna vei hmuhchhuah tawh mi 132 zinga 100 zet hi Aizawl District a cheng an ni a, Lunglei District ah mi 25 an awm ve bawk. Kumtin hian Aizawl District-ah Dengue a hluar ber ziah a, Lunglei District-in a dawt thin a, nunna chan phahte hi Aizawl District ami vek an la ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »