ASF vanga Vawk thi 676 awmin Vawk 385 suat tawh

Zonuna Kawlni /

Kumin chhungin Serchhip District-ah African Swine Fever (ASF) vangin Vawk 676 zet a thi tawh a, Vawk 385 suat a ni tawh bawk.
 Serchhip-a AH&Vety Department hotute hnen atanga LENKAWL in thu a dawn danin kumin hian Serchhip-ah ASF hri leng avang hian Vawk 676 zet thi tawhin nimin lamah Vawk thi chhinchhiah belh a awm lo thung a, Vawk hri leng hi Serchhip District chhung khaw dangah hmuh la awm rih lo mah se Serchhip-a VC 12-ah Vawk hri avanga Vawk thi hi chhinchhiah a ni tawh a, chhungkaw 260 ten tuarin VC Area 10-ah hri leng darh zel tur venna atan Vawk 385 suat a ni tawh bawk a ni.

Sawrkar chhinchhiahna atanga a lan danin Serchhip Town chhunga VC area hrang hrang zingah Serchhip Kawnpui North chu Vawk thi tamna ber niin Vawk 116 a thi tawh a, Serchhip P&E Veng-ah Vawk 111 thi tawh bawkin heng VC pahnih te hi ASF vanga Vawk thi za aia tam awmna a ni a, Vengchung-ah Vawk 94 thi tawh bawkin heng bakah hian Vawk thi 50 aia tam awmna VC pathum a awm bawk a ni. Serchhip a VC area hrang hrang zingah Vengchung chu ASF hri darh zel tur venna atana Vawk suat tamna ber a ni a, Vawk 89 lai suat a ni tawh bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »