Sava bo hmuh ala ni lo

Kumin October ni 29-a Aizawl Zoological Park atanga Vaki chi khat, Pesquet's Parrot bo chu tun thlengin hmuh ala ni lo tih Deputy Conservator of Forests Aizawl Wildlife Division, Aizawl Zoological Park Director ni bawk Margaret Lalramchhani chuan a sawi a, Sava bo tirh atang khan thenawm State Assam leh Meghalaya bakah Wildlife Crime Control Bureau thuneitute puihna nen ngawrh taka an zawn bakah tunhnai ah CID in a chhui hna an thawhpui bawk tih a sawi a, heti chung hian Sava bo chungchangah thuthar a la awm rih lo tih a sawi a ni. Kum 2006 atanga din Aizawl Zoological Park-ah hian ramsa 300 chuang an awm mek a, kum 2022 atang khan ramsa engemawzat chu bo tawhin, tun thlengin hmuh let a la awm lo a ni.