Hri vangin mi 9 thi tawh

Tunhnaia Mizoram chhim lam Lawngtlai leh Siaha District chhung hmun thenkhat a kawthalo hri leng avangin mi 9 in nunna an chan tawh a, Lawngtlai District-ah hian Kakichhuah khua-ah November ni 4 atang khan mi 6 thi tawhin heng mi te hi Khumi hnam vek an ni a hriat a ni a, an zinga mi pathum chu khawtual mi niin midang pathum te chu raltlan te an ni thung. Siaha District-ah pawh Lomasu leh Lodaw khua-ah he hri hi a leng mek a. Lodaw khua-ah mi 3 an thi tawh bawk a ni. Hetih lai hian Siaha leh Lawngtlai District ramri Chin State chhim lama Paletwa bial chhunga Sinletwa khua-ah khawthalo natna vei hi mi 300 chuang an awm tih report a awm bawk a ni. He hri leng avang hian Lawngtlai District-ah hian Myanmar lam nen inkalpawh chu thla hnih (2) chhung atan khap a ni tawh bawk.