PWD ten kawng siam mek

PWD Serchhip Division chuan Serchhip-a khawpui chhung inkalpawhna kawng siamthat hna an tan leh mek a, hmun thenkhat ah chuan hna zawhfel a ni tawh bawk.
PWD Serchhip Division hian kumtin-a kawngpui siamthatna tur sum an hmuh thin hmangin Serchhip khawpui chhung inkalpawhna kawngpui siamthat hna hi an thawk mek a, tun Thal chhunga an thawh hmasak ber tura ruahman Serchhip Chhim Veng panna kawng meter 630-a thui siam hna chu zo tawhin tunah hian AOC Veng atanga DIET panna kawng ah meter 1380 siamthat hna an thawk leh tan mek a, hei hi tun Thal chhunga an hnathawh tur zinga thui ber tur a ni ang.

Heng bakah hian tun Thal chhung hian Serchhip P&E Veng huamchhung, Tlangnuam Veng panna kawng meter 300-a thui pawh siam tura ruahman a ni a, Serchhip IOC Veng atanga PWD IB panna kawng meter 1010-a thui pawh kumin hian siamthat tum niin Serchhip AOC Veng Lane-II pawh siamthat hna thawh tum a ni bawk a. Serchhip P&E Veng-a Vety Ar Farm atanga Lane hnuai-a Assam Rifles Gate-III panna kawng meter 440-a thui pawh siam tum a ni bawk.