Hulhliap Short Stay Centre

Zonuna Kawlni (LENKAWL) • June 14, 2025 • Comments • Mizoram

Core Committee on Hulhliap Short Stay Centre chu nimin khan an Chairman leh MYC Chairman ni bawk Malsawmzuala Ralte hovin Secretariat Conference Hall-ah an thukhawm a, he hunah hian ruihhlo ngaite enkawlna tur mumal zawk, ‘Hulhliap Short Stay Centre’ din chu thil pawimawh tak a nih thu tarlan niin, he Centre hi Ruihhlo ngai ten an ruihhlo tih thinte lak atanga an inthuahfaina (detoxification) leh an taksa leh hriselna tih thatna (basic health care) hmun a nih tur thute tarlan a ni a. Centre-ah hian ruihhlo ngaite chu a thlawnin ni 20 chhung Doctor, Nurse leh Counsellor te enkawlna hnuaiah an awm thei dawn tih tarlan a ni bawk. Tun dinhmunah Task Group 6 din ni tawhin nimin-a thutkhawm ah hian Task Group tinte atangin hma lak zel dan tur report ngaihthlak a ni bawk.