Tobacco Free Youth Campaign 2.0 hawnna nei

olasib District Bawrhsap Robert C. Lalhmangaiha chuan nimin khan ‘Tobacco Free Youth Campaign 2.0’ chu Kolasib DC Conference Hall-ah a hawng a, Mizote hian zuk leh hmuam kan ti nasa a, kan hriselna pawhin a tuar hle tih sawiin, hemi dona lama thawktu hriselna lama hnathawkte chu fakawm a tih thu a sawi a. Vaihhlo leh a kaihhnawi te hi do rem a ngaih thu sawiin, hemi lak atanga kan zalen a, nunphung thar kan zawh a ngai tawh takzet tih a sawi bawk.

Global Youth Tobacco Survey, 2019 report-a a lan danin kum 13 atanga 15 zirchianna ah mipa-ah kum 11.1 leh hmeichhia-ah kum 10.1 ten zuk leh hmuam an hmang tan a, Vaihlo hmang chhin tawh zawng zawng chu 89.7% niin Vaihlo hmang mek mi 57.9% an awm thu a tarlang a. Vaihhlo leh a khaihhnawih awm lohna khua/veng thlan dan tur pawh sawiho a ni bawk.