CESJ in Minister 4 te hnenah ngenna an thlan

Centre for Environment & Social Justice (CESJ) chuan Mizoram sawrkar-a Department pali (4) a changtu Minister theuhte hnenah Mizo-ram tualchhuak thil hrang hrang humhalhna dan kengkawh tha turin an ngen.

An ngenna chung-changa CESJ in thuchhuah an siamah tualchhuak thil hrang hrang humhalh tura an duh te an tarlang a. Mizoram pawn atanga Belpui-a Sangha chi kawt-a Mizoram hmun hrang hranga zuar kual thinte titawp turin Fisheries Minister ngenin, tualchhung Sangha ei zo a an chimral nasat vang a nih thu an sawi a. AH&Vety Minister hnenah Ministry of Animal Husbandry and Dairying-in Ui thenkhat, mihring seh ching leh mihring leh vantlang tana hlauhawm thei, India rama Ui lakluh khapte chu Mizorama lakluh khap ve turin an ngen bawk a ni. 

Hei bakah hian CESJ chuan Environment, Forest & Climate Change Minister hnenah ramdang thing, hnim, thlai leh pangpar, tualto tana pawi em tih zirchiang hmasa loa lakluh khuahkhirh turin an ngen a. Horticulture Minister hnenah rampâwn atanga thlai leh thei lakluh leh ram chhunga thar chhuah te a thlai vawn thatna leh hlo tûr hmanin Mizo mipuite hriselna a nghawng theih avangin zirchianga khap turin an ngen bawk a ni.