Vairengte leh Sairang inkar kawng sawiho a ni

Zonuna Kawlni /

Vairengte leh Sairang inkar National Highway No 306 leh 06 laih dan tur chungchang ngaihtuahin nimin khan Chief Minister Lalduhoma hovin sawrkar mi pawimawh te an thukhawm.

He thutkhawm CM Conference Hall-a neih ah hian PWD Minister Vanlalhlana, EF&CC Minister Lalthansanga leh FCS&CA Minister B. Lalchhanzova te bakah NHIDCL hotute, Environmental NGO Coordination Committee aiawh te, Vairengte leh Sairang inkara Land Owners Association hruaitute leh sawrkar Official te an tel a. Chief Minister chuan he kawng laih turah hian Forest Clearance thilah harsatna an tawk neuh neuh tih sawiin, “Kan harsatna te hi a kaihhnawih mawhphurhna neituten inpawh taka sawiho zel a tha a. Vawiin ah hian Vairengte leh Sairang inkar kawngpui kaihhnawih harsatna awm te sawi turin kan insawm a ni. He kawngpui pawimawh tak hi tha taka sial a nih theihnan Central sawrkar hruaitute ka be thin a. Vawiin-a kan thuthlukna te hi kan hriattir ang a, a tul chuan keimah ngei pawhin ka zu umzui ang,” a ti bawk.

He Meeting-ah hian he kawngpui laih tura hmalak dan tur tha nia an hriat te an sawi a, an thutel te chu Central sawrkar lam hriattir ran nise an ti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »