ZPM in sawrkar tha lo zar an zo niin sawi

Adviser to Chief Minister TBC. Lalvenchhunga chuan ZPM in sawrkar tha lo in a hrinchhuah zar an zo niin a sawi.

ZPM party in nimin a chhung Inkhawm an neih ah Adviser to Chief Minsiter TBC. Lalvenchhunga chuan Sawrkar tha lovin a hrinchhuah zar ZPM-in an zo tih sawiin, “Sawrkar mumal leh tha takin lokal nise 15th Finance Commission-a kan sum hmuh ve turte kum 2021 khan lo tifel vek chu nise tun ang hian kan buai lovang,” a ti a. Kan sum dinhmun a tha lawk thei dawn lo tih sawiin, “Kumin a kan sum puk theih chu vbc. 900 a ni a, NABARD atang nen a vai a kan puk theih chu cheng vbc. 1118 vel a ni a, chuta tanga leiba rulh tur kan neihsa chu cheng vbc. 640 zet a ni,” tiin Sawrkar inenkawlna tha lo avang khan cheng vbc. 100 zet kan hloh phah niin a sawi bawk.

Sawrkar sum harsat zia mi tam takin an hrethiam lo tih pawh sawiin TBC. Lalvenchhunga chuan, “Kan leiba chu sawi loh kum 2015-16 atanga K Deposit tlingkhawm ringawt pawh vbc. 1300 kan nei a. June 2023 hnulama Central atanga sum lo lut; Nodal Agency leh Department-a lut tur pakhatmah dahluh a awm lova, ZPM kan sawrkar ni-ah khan Ways & Means Advance cheng vbc.139 ba sa, Treasury ruakin bul kan tan a ni,” a ti a. “SASCI an tih vbc. 226 an sawite kha Nodal Agency-ah dah a ni lova, khawiah nge MNF sawrkar khan an dah zawh? Bill pek a ngai a, puk chawp a ngaih phah bawk. Kan puk hnuah puk belh a la ngaih phah zel a, kan sum dinhmun hi hrethiam rual kan ni. Vawiin mai ni lovin nakumah pawh kan sum dinhmun hi hetiang zel a nih chuan that ngaihna a awm thei dawn lova, chuvangin bul tan nan inrenchem kan mamawh a ni,”a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man