SCERT buatsaihin Poetry Festival hman a ni

SCERT-in kum 2011 atanga kum tina an hman thin ‘Poetry Festival’ chu kumin ah pawh hman leh niin nimin khan lawmman semna neih a ni.

Kumin-a ‘Poetry Festival’ hi niminpiah atang khan Aizawl-a SCERT Auditorium-ah neih niin nimin khan lawmman semna neih zui a ni a, he hun hi SCERT Deputy Director Zoramthangi Ralte chuan kaihruaiin School Education Department Joint Secretary R. Lalbiakzuala chuan khuallian niin a hmanpui a, Zirlai thu leh hla lama tui mi tam tak an awm chu lawmawm a tih thu sawiin, kawng engkimah Sap tawng thiam a pawimawh a, sawrkar hnathawhna kawngah pawh a tangkai em em a ni, tiin, hmanlai naupangten an neih ve loh hetianga an talent phochhuahna platform an nei hi tunlai naupangte vannei a tih thu a sawi bawk.

He Festival-ah hian Higher Secondary School naupangte tan bik On the Spot Poetry Writing Competition buatsaih thin niin, hei hi zirlai naupangten thu leh hla lama tuina an lo neih theihna tur leh an talent phochhuah sakna atana buatsaih a ni a. He intihsiakah hian lawmman pakhatna atanga pathumna siam thin niin, Trophy, Certificate leh Tangkafai pek thin an ni a. Kumin hian Hunropuii, St. Joseph HSS chu pakhatna niin K. Vanlalrohluna, Dawrpui School of Science and Technology chu pahnihna leh Lalchawimawia, St. Joseph HSS chu pathumna niin heng mite hnenah hian lawmman hlan an ni.

He Festival-ah hian ‘Proficiency in English Award’ sem thin a ni bawk a. HSLC leh HSSLC-a English Subject-a ti thate hnenah chawimawina pek thin a ni a. Kumin hian zirlai 33 te hnenah chawimawina hi hlan niin kum 2011-a bul an tan atanga kumin thlengin he chawimawina hi zirlai 369 te hnenah pek a ni tawh a ni. He chawimawina hian Certificate bakah tangkafai a keng tel bawk a ni.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni