No Vehicle Day hman tum

Lunglei Sub-Hqrs. YMA hruaitute chuan Inrinni khan Lunglei-a an Office-ah thuthar thehdarhtute kawmin Aizawl-Thenzawl-Lunglei kawng chhe lutuk siamtha thuai tura nawr nan naktuk Oct. 18, 2022 (Thawhlehni) zing dar 6:00 atanga tlai dar 5:00 inkar chhungin Lunglei District huamchhung ah ‘No Vehicle Day’ hman an tum tih an sawi.

He hunah hian Lunglei Sub-Hqrs. YMA President Lalrotluanga chuan Lunglei kawng chhia vangin chhim lam mipuite nasa takin an buai tawh tih sawiin, he kawng hi chhim lam mipui te nunna hnar, engkim chawkluhna a nih thu an sawi a, kawng chhia chungchang hi Chief Minister leh sawrkar mi pawimawhte pawh an lo sawipui tawh tih sawiin, an ngenna in awmzia a neih loh avangin hreh tak chungin No Vehicle Day kalpui a lo ngai ta niin a sawi a ni.

Lunglei Sub-Hqrs. YMA Vice President Lalfakzuala pawhin No vehicle Day hman a lo ngai ta chu YMA chuan hrehawm a ti takzet tih sawiin, he an thil tih hian Bhavya Company hi au eih ngei se an duh tih a sawi bawk.

Comments

Popular News (Last 30 Days)

LPG man bithliah thar