Hospital sakna atana CSR Fund-ah MoU ziahfel ala ni lo

Serchhip District Hospital building thar sakna tura Power Grid Corporation of India Limited atanga CSR Fund cheng vbc 21 dawn tur chungchangah MoU ziahfel a la nilo a, hmalakna erawh kalpui mek a ni thung.

Health & Family Welfare Department-a thawktute chuan thuthar thehdarhtute zawhna chhangin Mizoram sawrkar leh Powergrid lam hian inremna thuthlung la ziaklo mahse MoU ziak thuai tura hmalakna erawha kal mek tih an sawi a, Revised Draft MoU chu file a kaltir mek a nih thu an sawi bawk a ni.

MoU ziak fel tura hmalakna kal zelah hian March ni 17, 2022 khan Health & Family Welfare Department aiawhte leh Powergrid Company aiawhte chuan Health & Family Welfare Department Secretary Office Chamber-ah Meeting an nei a, he hunah hian Health Department chuan inremna thuthlung ziah tur a tih danglam an duhna point hrang hrang Company hotute hnenah hian an thlen a ni.

Tarlan tawh angin kumin January 24-a Serchhip DC in Serchhip District Hospital sakna atan CSR Fund a dil angin Feb. 16, 2022 khan Power Grid Corporation of India Limited-a Chief General Manager chuan Mizoram Chief Secretary hnenah lehkha rawn thawnin, Khum za (100) lenna tur Serchhip District Hospital sakna atan CSR Fund an dilna chu an remtih thu leh hemi atan hian CSR Initiative of Powergrid kal-tlangin tanpuina pawisafai cheng vbc. 21.0 an pawm tih a rawn hriattir a, hemi atan hian Mizoram Sawrkar leh Company lam hian inremna thuthlung ziak turin hmalak zui tur anih thu tarlan a ni bawk.

Comments

Chhiar Hlawhte