Latest News

Khaw 7-ah hri kai la awm

Serchhip District-ah COVID-19 dinhmun in ziaawm lam a pan ve hret hret zel a, tun din-hmun ah hri kai enkawllai khaw 7-ah an la awm mek a ni.

Nimin khan Serchhip District-ah hian COVID-19 hri kai mi 4 hmuh belh leh an ni a, heng hri kai hmuhchhuah te hi Hmuntha, East Lungdar, Thenzawl leh North Vanlaiphai-ah mi pakhat theuh an ni. Nimin vek khan Serchhip District-ah COVID-19 hri kai enkawl dam mi 3 an awm thung a ni.

Heti hian nimin tlai thleng khan Ser-chhip District-a COVID-19 hri kai hmuhchhuah tawh chu 13,958 niin an zinga 13,894 te chu enkawl dam an ni tawh a, hri kai hmuhchhuah atanga chhutin za zela 99.54 te chu enkawl dam ni tawhin hri kai enkawllai mi 29 an la awm a, hri kai zingah mi 35 an boral tawh bawk a ni.

Serchhip District-a hri kai enkawllai te hi khaw hrang hrang 7-a mi te an ni a, Thenzawl khua chu hri kai enkawllai tamna ber ni mekin mi 9 enkawllai an la awm a, North Vanlaiphai leh Khawlailung-ah hri kai enkawllai mi 5 ve ve awmin Serchhip leh East Lungdar-ah hri kai mi 4 ve ve enkawllai an la awm bawk a, Hmuntha leh Hmunzawl khua ah hri kai enkawllai mi pakhat ve ve an la awm bawk a ni.

Comments

Popular News (Last 30 Days)