Serchhip Sub-Hqrs YMA-in ram dang mite ina lut lâwra bungrua zuar lo turin hriattir

YOUNG MIZO ASSOCIATION SUB-HEADQUARTERS SERCHHIP

THUCHHUAH


    YMA Sub Headquarters Serchhip huamchhung khaw hrang hrang a\angin ramdangmi (Foreigner) te’n Bike tam tak an ru bo tawh a. Ramri depa tlawmngai khuate leh Mizoram Police-te thawhrimna zara bike engemaw zat hmuh kir leh a awm rualin engemaw zat erawh hmuh let leh awm lovin an bo hlen ta hi YMA Sub Headquarters Serchhip chuan pawi kan ti em em a. Ni 30th September, 2013 (Thawh\an) zanah pawh Ramdangmi (Foreigners) Mizorama sumdawnga lokal \hin leh mi ina lut lawra an bungrua zuar \hin mi pahnihte chuan Serchhip-a chhungkaw pahnihte bike lei thar an ru a.Bike pakhat zawk chu petrol an neih loh avangin kawng lakah an hnutchhiah a,pakhat zawk erawh chu Myanmar an thlenpui hmain Vaphai khaw mipui te’n a rutu mi pahnih nen an lo man a, hmuh let leh a ni ta hlauh a.Vaphai khaw mipui chungah YMA Sub Headquarters Serchhip chuan lawmthu kan sawi tak meuh meuh a ni.
    Dan phal loha Mizorama lo lut, thuhnuai rawlh leh inthlahrung taka khawsa tura ngaih ramdangmi (Foreigner) te’n Mizoram hmun dang chu sawi loh YMA Sub Headquarters Serchhip huamchhung mai pawha thil sual rapthlak tak tak, pitar chehhluma pawisa chhuh sak, kumtlinglo leh pitar pawngsual hnua thah zui, rukruk leh thil \halo tam tak an ti \hin hi YMA Sub Headquarters Serchhip chuan kan demin kan ngaithiam lo a ni. Tun chinah YMA Sub Headquarters Serchhip huamchhunga mipui himna ngaihtuahin, ramdangmi (Foreigner) sumdawngte, In tin lut lawra an bungrua an zawrh phal a ni tawh lo va. He thu/khapna kengkawha, hma la ngei turin YMA Sub Headquarters Serchhip hnuaia Group leh Branch YMA zawng zawngte hriattir leh ngen kan ni e.

YMA vul zel rawh se.

Sd/- R Sanghmingthanga                 Sd/- RL. Chhuanawma
    Secretary,                         President,
YMA Sub Headquarters Serchhip Serchhip : Mizoram

Popular News

Mizoram-ah Faina Hapta hman \an leh a ni

Retailer bukna diklo 3 man