Aizawl Lammual cheina atan cheng nuai 791.5 hmu tawh.

Urban Development & Poverty Alleviation Department chuan Aizawl AR Ground (Lammual) chei nan Special Plan Assistance (SPA) a\angin cheng nuai 791.5 a hmu a, hei hi mipui \hutna (gallery) leh eng chhit tur (lighting) atan hman a ni ang.

RTI zawhna UD&PA Department in a chhan dan chuan, AR Ground-ah hian light (High Mast) chawm turin Generator ruahman tel a ni a, pakhat dah tura ruahman niin, Kiloskar company siam dah a ni. Deartment-in Lammual chei nana a senso hi tun, Oct. ni 10 thleng khan cheng nuai 500 vel a tling tawh tih an sawi. High Mast hi zana inkhelhna atana hman tura ruahman a ni a, hmun 4-ah dah a ni ang. High Mast siam tur hian Zoland Electronics, Zarkawt leh PIERLITE India Ltd., New Delhi \angkawpte rawih an ni a, Generator bakah hian High Mast chawm turin 'Dedicated Line' siam turin Power & Electricity Department in ruahmanna a kalpui mek bawk. Lammual-a High Mast siam mek hi June ni 15, 2013 khan kalpui \an a ni a, December 2013 ah zawh hman tura ruahman niin, eng (lighting) atan hian August thla thleng khan sum pekchhuah a la awm lo.