Lenkawl

Mizo Zaimi Inzawmkhawm (MZI) Hqrs. Serchhip in Serchhip Darnam Veng-a Savawm in mi a seh puala Mobile Charity Concert an buatsaiha an sum hmuh zawng zawng chu nimin zing khan vanduaina tawk te hnenah an hlan.

Mizoram sawrkar chuan Tlungvel Village Council chu thu leh awm hma atan a chawlhtir (suspend) rih.

Supply Minister, K. Lalrinliana chuan nimin khan Mizofed Ltd. Showroom, Ramhlun North, Aizawl-ah LPG Home delivery tlangzarhna hun a hmang a, Consumer engemaw zatin LPG home delivery turin an inziaklut nghal a ni.

Nimin khan MZP General Hqrs. chuan Ai-zawl-a Central YMA Hall-ah Zirtirtute Ni an hmang a, he hunah hian Zirtirtu \ha chawimawina State leh National Level-a dawngtu mi 7 te hnenah lawmpui thuziak an hlan bawk.

Serchhip District Anti-Tobacco Squad leh Serchhip Police te chuan nimin khan Serchhip Bazar bakah a chhehvel a lirthei dinna hmun hrang hrang fangkualin Dan in puipunna hmuna mei zuk a khapna bawhchhia an awm leh awmloh an enfiah a, he hunah hian Dan bawhchhia mi 3 man niin heng mite hi Dan in a phut angin pawisa chawitir an ni.

Serchhip Sub-Hqrs. YMA hruaitute chuan niminpiah khan PWD Engineer-in-Chief, Er. K. Lalsawmvela chu a Office-ah kawmin Serchhip Sub-Hqrs. YMA Conference thurel bawhzuiin Thentlang to Lungpho,Khawlailung to Hmun-zawl, Serchhip to Sailam, Khawbel to Rullam leh Ngentiang to Sialhawk kawngte \ha taka siam a nih theih nana hma la turin an ngen a, an ngenna te hi enzui-a bawhzui a nih tur thu PWD E-in-C chuan alo hrilh a ni.

Rampuma 34th National Fortnight on Eye Donation hman chu tunkar Nilaini khan Ser-chhip-ah a kharna neiin he hunah hian midangte tana thih hnua Mit petu mi 3 te hnenah chawi-mawina hlan a ni.

Serchhip District Superintendent of Police, Karthik Kashyap IPS chuan nimin khan Serchhip tualchhung thuthar thehdarhtute kawmin mipuite himna turin 'Special Drive for Public Safety' an kalpui dawn tih a sawi a. Hemi atan hian mipuite thawhpuina an mamawh thu a sawi bawk.

Nimin September 5, 2019 kha India President 2-na, Dr. Sarvepalli Radhakrishnan-a pianchampha niin he Ni hi rampumah Zirtirtute Ni atan hman a ni a, Serchhip-ah pawh zirna In hrang hrangah he Ni hi an remchan dan ang \heuha hman a ni.

Sports & Youth Services Department chuan Asia khawmualpui-a Youth Football Tournament lian ber, Subroto Cup International Football Tournament, 2019-a Under-14 Boys category-a Champion, Mizoram Team te chawimawina hun nimin khan Aizawl Press Club-ah an buatsaih a. He hun hi Sports Minister, Robert Romawia Royte chuan hmanpuiin Mizoram Team chu SYS Department enkawl Regional Sports Training Centre Football Academy, Saidan Kolasib-a training an nih avangin sawrkar hmalakna tihlawhtlingtu chhuanawm tak an nih thu a sawi bawk.

Chief Minister, Zoramthanga chuan, sawr-kar hmasa ah Budget 'a chi-ah' hmang lovin an sem char char nia sawiin, “Tun sawrkarah chuan hnathawk turin kan chhuak dawn.

AH&Vety Department chuan Vawk natna chi khat, African Swine Fever laka kan ram a him theihna tura hmalakna chikhat atan nimin khan Aizawl-ah Sensitization Workshop on African Swine Fever an buatsaih.

Union Minister of State for Food Processing Industries, Rameswar Teli chuan nimin khan Aijal Club-a North East Scheduled Castes- Scheduled Tribes Entrepreneurs Conclave 2019 chu a hmanpui a. He Conclave-ah hian Union Minister chuan Ministry chan, Ministry of Food Proecessing Industries in Mizoram \halai Food Processing lamah bul \an duh, mahse kawng hrelo te tan Ministry scheme leh ham\hatna dawn theih hrilhhriatna tur programme chu thla hnih khat chhungin Mizoram-ah an neih tur thu a sawi a. Mizoram-ah a Ministry in scheme pali an Fund tih pawh sawiin, chung zinga lian ber ZORAM Mega Food Park, cheng vbc. 50 man chu Vawiin hian a tlawh dawn thu a sawi bawk. Nimin a he Conclave hi Mizoram Lok Sabha MP, C. Lalrosanga pawhin hmanpuiin MSME Export Promotion Council, NEDFi, APEDA, SIDBI leh NSIC-a mithiam te pawhin thu an sawi bawk.

Supply Minister, K. Lalrinliana chuan nimin khan Aizawl Zonuam Veng Retailer-I Fair Price Shop (FPS)-ah Mizoram chhunga a hmasa ber ni turin Electronic Point Of Sale (ePoS) khawl hmanga ration lak theihna a hawng a.

UPSC Challenge Inter-College Quiz Competition 2019 chu nizan hmasa khan zawhfel niin Govt. Serchhip College chuan Pachhunga University College hnehin an champion.

Serchhip District-a Rashtriya Poshan Maah (National Nutrition Month) 2019 kalpui tur chu nimin khan Serchhip District Bawrhsap, Sangchhin Chinzah chuan a Pisa-ah a hawng a. Hemi hnu hian Poshan Month hman chhunga hmalak dan tur chi hrang hrang relin \hutkhawm neih nghal a ni.

Serchhip bialtu MLA, Lalduhoma chuan nimin khan Serchhip Hmar Veng-a Sports Complex chu tlawhin helai hmuna hnathawh hrang hrangte a thlirkual a,

Serchhip bialtu MLA, Lalduhoma chuan nimin khan Serchhip rawn tlawhin MZP in an thlan zirna In \henkhat te hnenah Green Board leh Electric Water Filter a hlan.

Serchhip Sub-Hqrs. YMA Vigilance & Monitoring Committee chuan nimin zing khan Serchhip Damdawi In TRAUMA Extension sak mek a hmunah enin a satu Engineer te nen an thlirho.

Serchhip District chhunga Common Service Centre (CSC) te chuan Elector Verification Programme (EVP) hnuaia NSVP leh EVP chungchanga hna an thawh tur hrang hrang zirhona nimin khan an nei.