Observer in Kolasib a tlawh

Electoral Roll ennawn hna, SIR 2026 kalpui meka Kolasib District tana Observer tura ruat, Dr. Lalrozama IAS chuan nimin khan Kolasib tlawhin DC Conference Hall-ah Election Official-te, Political party aiawhte, tlawmngai pawl leh Kohhran aiawhte nen thutkhawm an nei a. SIR-2026 kalpui mekah hian Kolasib District-ah Form 6 (Voter thar thun dilna) thehlut mi 1558 an awm a, heng zinga 787 te chu pawm (accepted) niin, 94 hnawl (rejected) a ni a, endik mek 677 an la awm a. Form 7  thehlut 25 awmin, 12 pawm a ni a, endik mek 13 a awm bawk. Form 8 (Siamthat/Insawn) thehlut 936 awmin, 528 pawm a ni a, 34 hnawl niin, 374 chu endik mek a ni.