MPSC hna lak avanga harsatna tawk te leng turin an sawm
MZP General Hqrs. hian nimin khan thutkhawm hmanhmawh neiin Mizoram Public Service Commission (MPSC) hnalak chungchanga Mizo thalai hnazawng mek ten harsatna an tawh hrang hrangte an sawiho a. Mizoram-a hna latu lian ber Mizoram Public Service Commission (MPSC) hnalak chungchangah thalaiten harsatna an tawh hrang hrangte chu ngun takin a ngaihtuah tih an sawi a. Tunhnaia an chetsualna hrang hrang avangin Mizoram thalai hna zawng mekte'n MPSC-ah rinna an nghah ngam loh phah mai dawn avangin MZP chuan MPSC hi thuamchak anih theih nan leh a thawktu lak belh an nih theih nan hmalakna neih nise an ti a, One Time Registration (OTR) avanga buaina tawk leh MPSC hnalak avanga harsatna tawk zawng zawngte chu Vawiin, August ni 5, 2026 (Nilaini) chawhma dar 11:00-ah, Aizawl-a MZP Pisa Pui, Treasury Square-a leng turin an sawm a, hmalak chhunzawm dan tur sawiho nise an ti bawk a ni.
MZP chuan MPSC hnalak avanga buaina tawkte chu theihtawp chhuaha ngaihvenin a buaipui reng tih an sawi a, One Time Registration (OTR) avanga hna diltu thalai tam tak harsatna tawkte chungchangah OTR avanga reject te, Written exam fel vek tawh a hnua OTR fel loh avanga reject awm leh thin te chu pawi an ti takzet tih an sawi a ni.