BJP in kar thar inhlanna nei

BJP Mizoram State Vice President Lalduhawma chuan, BJP chu Sakhua leh hnam bik party ni lovin, India ram hmangaihtu leh hmasawnna duhtu ‘India Mipuite Party’ an ni tih a sawi. Nimin-a BJP Mizoram State Office, Mipui Rûn-a Kar thar Inhlanna an neih ah he thu hi sawiin BJP Mizoram Vice President Lalduhawma chuan India chu khawvel ah economy-a 6-na a nih tawh thu tarlangin, 'Hindutva' chu Sakhua biakna lam ni lovin, India culture humhalhna leh ram hmangaihna thinlung kaihthawhna a ni tih a sawi a. Kum 2047-a India ram chu ‘Developed Country’ ni tura sawrkar laipuiin hma a lak mek thu sawiin, Mizoram pawh hmasawnna leh intodelh kawnga a hmawr thleng a thlen ve ngei theihnan ‘Developed Mizoram’ siam an tum thu a sawi bawk.