Kumin chhunga Serchhip District-a African Swine Fever (ASF) hri leng tuar nasa ber khua, Thenzawl khua ah nimin khan Vawk thi 16 lai chhinchhiah belh leh niin hri leng darh zel tur venna atan Vawk 4 suat belh leh a ni a, heti hian kumin chhungin Thenzawl-ah hian ASF vangin Vawk 501 thi tawhin Vawk 141 suat a ni tawh bawk a, chhungkaw 168 ten he hri leng hi an tuar tawh bawk a ni.
Nimin-a Vawk thi chhinchhiah belh leh te nen hian kumin chhungin Serchhip District-a Veng leh khua 21-ah ASF vanga Vawk thi 1869 leh Vawk suat 1076 lai a awm ta a, ASF vanga Vawk thi leh suat hi 2945 tling tawhin he hri leng hi chhungkaw 689 in an tuar tawh a ni.
