Khuh damdawi sawihona nei

Excise Minister Lalnghinglova Hmar hovin niminpiah khan a Pisa-ah Excise & Narcotics Department, Home Department, Food & Drugs Administration (FDA) leh Central YMA aiawhte chuan 'Ruihhlo Do' Meeting neiin tunhnaia thalai zinga khuh damdawi hluar chho zela hmalak dan tur an ngaihtuah a. He Meeting-ah hian report hrang hrang ngaihthlak niin tunhnaiah a bikin thalai zingah Khuh damdawi ruih a zual thu ngaihthlak a ni a. Zirlai naupang atanga Sakhaw rawngbawltu thlenga a nghawng avangin hmalak dan tur ngaihtuah a tul hle tih sawilan a ni a. Hemi chungchanga hmalak dan turte sawiho a nih bakah Dan tlawhchhan turte zirchian dan tur sawiho a ni bawk.