Kum 2 chhunga Sawhthing man to ber lai thleng mek

Zonuna Kawlni /

Kum hnih chhunga Mizoram-a thar Sawhthing man san ber lai a thleng mek a, nimin khan Mualkawi Secondary Collection Centre-ah sumdawngten Sawhthing kg. 1 Rs. 59.50-a lei turin auction an chhang a, SCC dangah pawh Rs. 50 chunglama auction chhanna engemaw zat a awm a. Nimin vek khan sawrkarin Rapchung Tehcnology leh Tapchhak Technology hmingpua Sawhthing tihrona khawl Society-te hnena pekchhuah tura a siam chu enchhina (trial run) neih a ni.

Sawrkar in SCC kaltlanga kuthnathawktute Sawhthing hralh hun tura a bituk chu tun thla ni 30 thleng a ni a; Akashvani News, Aizawl zawhna chhangin Mizoram Agriculture Marketing Board (MAMB) hotute chuan nimin khan SCC hrang hrangah Sawhthing auction niin a chhang sang berin Mual-kawi SCC-ah kg 1 Rs. 59.50-in an chhang a; hriat theih chinah East Lungdar SCC, Rabung SCC, Khawzawl SCC, Hrangchalkawn SCC leh Lungtan SCC-ahte pawh kg khat Rs. 51-55 inkara lei turin sumdawngten auction an chhang a ni.

Nikum khan Sawhthing hi a rate a san lai berin cheng 30 a nih thu MAMB hotute chuan an sawi a; kumin ah Sawhting hralh a nih tan tirh khan cheng 40-45 inkar ni turin sawrkarin bituk mah se lei ngam an awm lo a, tun dinhmunah erawh chuan kg khat Rs. 50 aia sanga lei ngam sumdawng engemaw zat an awm a, kum 2 chhunga Sawhthing man a san ber lai a thleng mek tih an sawi.

MAMB hotute chuan sawrkarin Rapchung Tehcnology leh Tapchhak Technology hmanga Sawhthing zailep tihrona khawl a siamtir chu nimin khan Sairang-a Sawhthing sawngbawlna hmunah enchhinna (trial run) neih a nih thu an sawi a; he khawl hi 60-70 vel lei a ni dawn a, Society-te hnenah tlâwm têin sawrkarin a pe ang toih an sawi a. Sawngbawlna khawlte a taka hman tura peihfel a nih chuan loh theih loha hralh tura sum-dawngte hnena thlai thar nawr liam ngai thin chu a bo theih tawh an beisei thu an sawi a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »