CADC hnuaia thawktu ten nawrh huaihawt an tum

Chakma Autonomous District Council (CADC) hnuaia thawktute chuan Thla 4 chuang hlawh lak tawh loh avangin Vawiin, April 2, 2026 atang hian nawrh huaihawt an tum.

Chakma Autonomous District Council (CADC) hnuaia hnathawk Chakma District Council Employees' Association; Chakma District Council Teachers' Association leh Heads of Department hrang hrang chu niminpiah khan thukhawmin, Thla 4 leh a chanve chhung hlawh an lak tawh loh avanga harsatna hrang hrang an tawh sukiang tura hmalakpui tura March ni 16-a Governor hnena ngenna an thehluhah chhanna leh hmalakna an hmu lo chu pawi an tih thu an sawi a. Hetianga CADC hnuaia hnathawktuten thla 4 leh a chanve chhung zet hlawh an lak tawh loh avangin ni tin khawsak phungah harsatna an tawh bakah zirna, hriselna leh kawng hrang hrangah a ngawng tih an sawi.

CADC hnuai thawktute chuan March ni 11-a an thutkhawm tuma an lo rel tawh angin March ni 16-a Larsap hnena lehkha an thehluh chuan awmzia a nei lo zel a nih chuan CADC Sawrkar enkawl zirna In tiamin, CADC hnuaia hnathawk zawng zawng chu April ni 2 atangin tiamchin awm lova nawrh an remti a ni.