Sanctuary-a dan lova thing tawlhtu a puh te man an ni

Pualreng Wildlife Sanctuary-a dan lova thing tawlhru a puh mi panga te chu helai hmuna thawktu ten an man.

    Thudawn danin Ningani kalta, October ni 30, 2025 chawhma dar 11:00 vel khan Pualreng Wildlife Sanctuary-a thawktute chuan an thudawn bawhzuiin thingzai tawlhru thin dapin mi 5 an man a; Range Officer leh a Team te hi Luite Peng-ah Lawng a patrol in, thing engemaw zat chu lui lamah hian an man bawk a ni. Ramsa leh thing leh thildang te humhalhna hmun, Pualreng Wildlife Sanctuary-ah ah hian dan lova thingzai tawlh thìn an awm thu October ni 27, 2025 khan thehluh a ni a; he an thu dawn bawhzui hian hmalak nghal niin heng mi panga te bakah hian thingzai sa tlawn 150 leh thing zai khawl 4, battery pathum, Solar Plate pathum, Mobile Phone te, Silai dawt leh a mu thahnem tak bakah mútbu leh bungbel leh hmanraw hrang hrang te man tel a ni bawk. Heng an mi man te hi Aizawl Wildlife Division Office-ah hren niin Court-ah thubuai ziahluh nghal a ni.