Ram Laitel thar hmuchhuak

Mizoram University, Zoology HoD nilai, Prof. HT. Lalremsanga leh a thawhpuite’n Himalayan tlangdunga hmun pakhat Chopta, Uttara-khand atangin ram Laitel (skink) chi thar an hmuchhuak. Prof. HT Lalremsanga leh a Research Scholar Dr. Ht. Decemson-te chuan MV Lomonosov Moscow State University-a Russian scientists leh Germany-a Max Planck University-a an thawhpuite hian Chopta-a ram Laitel DNA leh pianphungte Developmental Biology & Herpetology Laboratory, Zoology Dept., MZU-a an zirchianna atangin ram Laitel species thar hmuchhuakin, a hmingah Ablepharus Flammeus tih an vuah a. Hemi chungchang hi German scientific journal Salamandra chuan October ni 30, 2025 khan a tichhuak a ni.