Pawikhawihna tuartu zangnadawmna pek tur thlang

Zonuna Kawlni /

Lawngtlai District Legal Services Authority bultumin Inrinni khan District Legal Services Committee chu thukhawmin District Legal Service Authority, Lawngtlai atanga Crime Victim Compensation dilna lut te an ngaihtuah a, dilna lut 17 atangin thubuai 10 te chu zangnadawmna pek tura thlan a ni.

    Lawngtlai DC Conference Hall-a thutkhawm hi District & Session Judge leh Lawngtlai DLSA Chairman ni bawk R. Vanlalchami chuan kaihruaiin, DLSA Lawngtlai-a Secretary Zothansangi Tlau chuan he Scheme hnuaia dilna lut 17 te pharhin a sawifiah a. Heng thubuai tin te hi ngun taka ngaihtuaha sawiho a nih hnuah thubuai 10 chu The Mizoram Victim of Crime Compensation Scheme 2016 hnuaiah Victim Compensation dawng turin an thlang fel a, District Legal Services Committee in Compensation hmu tura an ruahman hi a vaiin cheng nuai 56 a ni. The Mizoram Victim of Crime Compensation Scheme,2016 hnuaiah hian pawikhawihna rapthlak tuartu, nunna chan te leh taksa leh rilru lama rualbanlohna thlen phah khawp hial a pawikhawihna tuartu te hnenah zangnadawmna hi pek thin niin dilna lut te atangin a dawng tur hi thlanchhuah leh thin an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »