Raltlan chhinchhiah 48.55%

Myanmar atanga Mizoram-a raltlan awm mekte kutze thla leh mit-naute lakkhawm mekah raltlan awmzat atanga chhutin za zelah 48.55 zawh a ni tawh. Home Department atanga Akashvani News Aizawl-in thu a dawn danin Zirtawpni thleng khan Mizoram-a awm Myanmar raltlan 31,265 zinga mi 15,180-te biometric data lakkhawm a ni tawh a, hei hi raltlan awm zawng zawng atanga chhutin za zelah 48.55 a tling a, July thla tawp atang khan he hmalakna hi District 11-ah kalpui tan a ni a, khawl lama harsatna leh internet chak tawk loh avangin duh angin an thawk chak thei lova, chuti chung chuan tha thlah lova kalpui zel a ni.