Guwahati High Court Chief Justice leh CM inkawm

Mizoram tlawha lo zin Guwahati High Court Chief Justice, Justice Ashutosh Kumar chu nimin khan Chief Minister Lalduhoma chuan kawmin thingpui a inpui a, Chief Minister hian Mizoram a rawn tlawh avangin Chief Justice hi lawmthu a hrilh a, Mizoram sawrkarin Judicial Infrastructure lama hmasawnna a neihte a hrilh bakah hmachhawp a neihte pawh sawipuiin, Mizoram State Human Right Commission din chungchanga hmalak mek dante leh thil pawimawh dang engemaw zat a sawipui a ni. Justice Ashutosh Kumar hian Chief Minister chungah lawmthu sawiin, Judiciary lama Mizoram sawrkar hmalakna a fak a, a ngaihpawimawh thil te a thlen bawk a ni.