Halpuah ah thubuai 48 ziak

Kum kalta (2024) Krismas leh Kumthar vuak-vetah Halpuah leh halmawi kawl leh zuar leh hal te lakah thubuai 48 ziahluh a ni a, dan bawhchhia mi 53 man an ni bawk. Aizawl Superintendent of Police Zosangliana IPS chuan Zirtawpni khan a Pisa-ah Mizoram Journalists' Association (MJA) General Hqrs. Office Bearer-te lengah sawmin he thu hi a sawi a. Hunpui vuakveta halpuah leh halmawi an man belhkhawm hi nuai 23 chuang a ni tih sawiin, kum hmasa lama dan bawhchhia an man zinga mi 14 chu convict an ni tih an sawi a, mi 16 chu discharge niin thubuai 17 chu court-in a ngaihtuah mek tih an sawi bawk.

Aizawl SP chuan kumin ah pawh halpuah leh halmawi khapna chu kenkawh leh an tum tih sawiin, mipuite chu thupek zawm a, dan bawhchhe lo turin an ngen tih a sawi a, “Dan zawm hi khua leh tui tha nihna a ni a; chuvangin, mipuite tha taka min tawiawm turin kan sawm a ni,” a ti bawk.