Dilna hnukkir turin an ngen

Mizoram-a tlawmngai pawl hrang hrangte telna, NGO Coordination Committee chu nimin khan Aizawl-a Central YMA Committee Room- ah thukhawmin Mizo Gorkha Bazaar Mandir Sanchalan Committee-ten Aizawl-a Assam Rifles ram chhuahsan tak a Hari Mandir neitu nihna tunhnaia Prime Minister of India hnena dilna an thlen chungchang a ngaihtuah a. NGO Coordination Committee chuan Assam Rifles ten an chhuahsan tawh ram anih avangin helai hmun hi Mizoram Sawrkar kuta awm a ni tawh tih sawiin, hei vang hian an dilna hi hnuk let turin Mizo Gorkha Bazaar Mandir Sanchalan Committee chu an ngen tih an sawi a ni. NGO Coordination Committee ah hian YMA, MUP, MHIP, MZP leh MSU te an tel a ni.