Serchhip District-a bungraw zawrh endik thin rel a ni
Serchhip District Consumer Protection Council hi nimin Nov. 13, 2025 khan an Chairman leh Bawrhsap Paul L. Khuma hovin Serchhip DC Meeting Hall-ah thukhawmin hmalakna tur hrang hrang an sawiho a, he Meeting hian Serchhip District chhung dawr hrang hrangah bungrua expire tawh lo zuar ru an awm loh nan endik thin nise tiin Health Department hnuaia Food & Drugs Administration te, Police, Consumer Union leh Legal Metrology ten hma lo la se an ti a. Eirawngbawlna Gas In-a sem (Home delivery) chungchanga mipuiin harsatna an tawh dan ngaihthlak a ni a. Hemi chungchangah hian District Civil Supplies Officer chuan Manager leh Delivery Boy te kokhawmin November kar tawpah Meeting lo neih pui se an ti bawk.
Hei bakah hian Serchhip khawpui chhung Bazar Hnuai a Parking Fee khawn chungchang pawh sawiho niin mipuiin awareness an neih theih nan a rate mumal taka tarchhuah nise an ti a. Hei hi Conumer Union lamin an bawhzui dawn a ni.