Serchhip-ah Police ten Crystal Meth an man

Serchhip Police te chuan nizan hmasa khan Serchhip-ah Crystal Meth gram 96 manin hei hi Serchhip District-ah Crystal Meth man a nih tum khatna nia hriat a ni.
Thudawn danin nizan hmasa dar 10:20 vel khan Serchhip Police te chuan New Serchhip Sihphir Veng-a Motor ding pakhat chu ruihhlo tawlhrukna a rinhlelh a nih thu dawngin a hmunah Police te hi an kal nghal a, New Ser-chhip khawtlang hruaitu thenkhat te punin he Motor a chuang mi pahnih te leh an Motor hi enfiah a nih hnuah he Motor (Taxi), MZ 01/AD-4946 hnung lamah damdawi ni ngeia hriat an phurh chu hmuhchhuah a ni a, heng te hi Crystal Meth ni ngeia hriat niin damdawi leh a phurhna Motor bakah hian he Motor a chuang mi pahnih te hi Serchhip Police te chuan manin thubuai an siam sak nghal a ni.

Heng Crystal Meth nia hriat an man te hi gram 96-a rit niin Rs.28,80,000/- man nia chhut a ni a, he Motor khalhtu Sairinpuia, Republic Veng, Aizawl leh Motor a chuang ve NT. Vanlal-malsawmi, Lawngtlai Chanmary nia insawi te  hi ND&PS Act hnuaiah thubuai siam sak an nih hnuah nimin khan Court-ah hruai an ni.