MZP General Hqrs. hruaitu thlanna neih a ni

Zonuna Kawlni (LENKAWL) • September 4, 2025 • Comments • Mizoram

Mizo Zirlai Pawl (MZP) General Hqrs. hruaitu thlanna chu nimin khan Aizawl-a Vanapa Hall-ah neih niin President atan Dr. C. Lalremruata chu thlantlin a ni. MZP Assembly vawi 69-na chu nimin khan Aizawl-a Vanapa Hall-ah neih a ni a, he hunah hian kum 2025-2027 chhunga MZP General Hqrs. hruaitu thlanna hi neih niin Vice President nilai Dr. C. Lalremruata chu President thar atan thlantlin a ni a, Vice President-ah Sanghmingthanga chu thlantlin a nih bakah General Secretary-ah C. Lalhmingsanga thlantlin a ni bawk. Heng bakah hian Asst. General Secretary atan Lalentlinga; Treasurer-ah Rothanliana leh Finance Secretary-ah Nangsawmthanga te thlantlin an ni bawk. Nimin-a MZP General Hqrs. hruaitu thlanna ah hian Mizoram hmun hrang hrang atangin Vote nei thei an kalkhawm a, heng hruaitu thar te hian an thawhpui tur an la ruat ve leh dawn a ni.