Aadi Karmayoagi Abhiyan – Responsive Governance Programme hnuaiah State Process lab hawng

Adviser to Chief Minister TBC. Lalvenchhunga chuan nimin khan Aadi Karmayoagi Abhiyan–Responsive Governance Programme hnuaiah State Process Lab chu a hawng.

Aadi Karmayogi Abhiyan–Responsive Governmance Programme hi Viksik Bharat 2047, India Independence kum 100 tlinna tur tinzawn chunga ram hmasawn (developed country) nihna kawnga ram pum huapa chet chhuahna tur leh danglamna thlentu (change leader) mi nuai 20 chherchhuahna tur Mission a ni a. He Mission tih hlawhtlinna tur chuan Aadi Karmayoagi Abhiyan hnuaiah hian State Process Lab chu Adviser to Chief Minister hian hawngin, ni 4 awh tur State Process Lab-a District Master Trainer’s Training hawnna hunah hian Dr. Lalrinchhana, Principal Adviser-cum-Addl. Secretary, Planning & Programme Implementation Department te,Neeva Boro, Ministry of Tribal Affairs, Government of India aiawh te, S.Koodalingam, SPL Facilitator leh District pariat aiawh mi 57 an tel a ni.

Aadi Karmayogi Abhiyan hi Mission mai ni lovin sawrkar tha nei tura mipuite tel vena tur beihpui thlakna (movement) a ni a. Tunhmaa a chung lam atang ruahmanna kalpui (Top-down approach) ni tawh lovin a hnuailam atang ruahmanna kalpui (bottom-up approach) siam tura beihpui thlakna a ni a. Khaw tinin anmahni khaw hmasawnna tur an duan thiam theihna tura zirtir te, chumi ti hlawhtling tura sawrkar Scheme hrang hrang thawhho tir te a tum a. State Process Lab zawh hunah District Level Orientation te neih a ni leh ang a. Chumi hnuah District Process Lab te nei lehin, Block Level Orientation/Workshop te, Village Level Workshop te pawh la neih zel tur a ni dawn a. Chumi-ah chuan tuna District Master Trainers te hi a khaipa ber tur an ni dawn a ni. Hei bakah hian State sawrkar chuan Civil Society Organisation (CSO) leh Non-Government Organisation (NGO) te a thawhpui dawn bawk a, District tin tan thlan fel vek an ni tawh a. CSO leh NGO te hian he Aadi Karmayogi Abhiyan kalpuina kawngah nasa takin an pui dawn bawk a. He Mission hi October ni 10, 2025 hmaa zawh hman ngei tura duan a ni bawk.

Nimin-a State Process Lab hawnna hunah hian Planning & Prog-ramme Implementation Department-a Principal Adviser-cum-Addl. Secretary Dr. Lalrinchhana chuan Aizawl, Lunglei, Champhai, Siaha, Lawngtlai, Serchhip, Mamit leh Saitual atanga District Master Trainers (DMTs) mi 57 thlanchhuah te lawmna thu a sawi a. Khuallian TBC. Lalvenchhunga pawhin he huna kal te lawmna thu sawiin, ni li chhung training tha taka kal tur leh chu’nga an zir thiamna atanga thingtlang kilkhawr zawkte pawhin hlawkna an chan ngei theih nan theihtawp a thawk turin a fuih a ni.