VC Level-a Hmeichhia te Court bik hawn a ni

Zonuna Kawlni /

Village Council Level-a hmeichhiate thubuai remna tura duan, ‘Nari Adalat’ chu nimin khan Mamit DC Conference Hall-ah hawn a ni.

Hmeichhiate thubuai remna tura duan Nari Adalat hi India rama District thlanchhuah bikah chauh hman tura duan a la ni a. Women & Child Development, Mission Shakti Scheme (Sambal) hnuaia kalpui tura duan niin kum 2023 khan Ministry of Women & Child Development hnuaiah din tan a ni a, Mamit district chhung khaw 10-ah din a ni dawn a, chung khua te chu- New West Phaileng, Lallen, Damparengpui-I, Zawlnuam Vengpui, Kanhmun, Kawrthah South, Reiek, Rawpuichhip, Kanghmun, Rajiv Nagar-I te a ni a. Member te hi Block Development Officer (BDO) te kaihhruaina hnuaiah VC Member te nena ruat an ni a, VC Member, Khawtlang tana mi rintlak leh mi pawimawh, Hmeichhe Zirtirtu, MHIP, SHG Member, Anganwadi Worker, YMA emaw NGO atangte in pakhat theuh ruatchhuah an ni.

Mamit District-a Nari Adalat hawngtu Mamit Bawrhsap K. Laltlawmlova chuan Mizoram-ah a hmasa ber atana Hmeichhia te Court, Nari Adalat Mamit District-a hawn a ni chu lawmawm a tih thu a sawi a, sawrkarin hmeichhiate dawmkan leh hamthat nan Schemes tám tak a neih te chu hman tangkai a tul thu leh kan theihna zawn theuh a kawhhmuhtu nih tum theuh turin he huna kal te chu a chah bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »