Eirawngbawlna Gas tih chingpen sawihona nei

Food, Civil Supply & Consumer Affairs (FCS&CA) Minister B. Lalchhanzova hovin eirawngbawlna gas tihchhingpen chungchangah FCS&CA Department, Legal Metrology, IOCL leh Gas Agency hruaitute chu nimin khan a Pisa-ah an inkawm.

He inkawmna ah hian Supply Minister B. Lalchhanzova chuan sawkarin mipui lakah ei leh bar kaihnawihah langtlang taka a kalpui a tul bakah mipuiin an chanvo dik tak an chan theih nana hmalak chu sawrkar mawhphurhna a nih anga in kokhawm an nih thu a sawi a. Mipui hnena Gas thlentute chu IOCL anni emaw, Distributor pawh nise mipuiten Gas buk tling, pawlh dal loh an dawn theih nan tan lak a tul thu sawiin, “Inpawh tawn taka hmalak a tul,” a ti.

He thutkhawm ah hian Mizoram-a eirawngbawlna Gas bur te chu tui pawlh a tam thu sawilan a ni a. Tarlan a nih danin, Gas hi Mizoram chhung a tihchingpen leh State pawn atanga chingpen sa-a rawn lut a awm niin a lang a, a tam zawk chu Mizoram pawn Cachar District-a khawih chingpen niin a hriat a. Mizoram chhungah pawh khawih chingpen awm thin tih report chu meeting chuan ngai thu takin Cachar lama District thuneitute hnenah Kolasib Bawrhsap in hma lo la tura ngenna siam se, Kolasib Bawrhsap chuan a Area chhungah Gas tihchingpenna hmun nia sawite chu lo vai bawk se an ti a. Hei bakah hian IOCL in thlatin Agency tina Gas an pekchhuah zat FCS&CA Department-ah report thehlut turin an rel bawk a ni.