May thla chhung sawrkar ngaihchan an tum thu sawi

Zonuna Kawlni /

Mizoram Government School Teachers’ Union (MIGOSTU) chuan sawrkar laka an thilphut te sawrkarin a ngaihtuah nan May thla chhung an ngaichang dawn tih an sawi.

Mizoram sawrkar School Zirtirtu inzawmkhawm te hian sawrkar hmasa in zirna In hrang hrang, dinhmun sang zawka a hlankai te tun sawrkarin dan siamthat ngai leh fello chhuanlama a paih chu sawrkar School-a dah let leh nise an ti a, heng bakah hian kum tam tak School Headmaster lo ni tawhte Teacher-a tlak thlaktir vekna tur dan siam chu hlih phutin April ni 8 atanga ni 12 chhung khan Badge dum belin hna an thawk a. An thilphut zingah hian sawrkarin tehfung a hmanah thingtlang leh khawpui inang renga an siam chu dik lo an tih thu sawiin, thingtlanga School te tan kaisan ve theihna a awm tawh dawn lo nia an hriat avangin dan thar an siam chu sut leh vat turin an phut tih an lo sawi tawh a ni.

MIGOSTU hian Sawrkar-a an thilphut chungchangah hian Special Conference neiin tun thla chhung Sawrkar ngaihchan ni se, hemi hnua an beisei ang hmalakna a awm loh chuan No Teaching Day hman nise an ti a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »