Nikum-ah khualzin mi 52,235 in Mizoram tlawh

Mizoram-ah nikum chhungin khualzin rawn lut mi 52,235 an awm a, heng zingah hian rampawn atanga khualzin mi 10,051 an awm a ni.

Tourism Department tarlan danin nikum chhunga Mizoram tlawhtu khualzin zingah hian ramchhung atangin mi 42,184 an awm a, ram pawn (foreign) atangin khualzin mi 10,051 an awm bawk a. Kum 2023 April atanga kum 2024 March inkarah khualzin mi 2,19,149 an awm a, heng zingah hian mi 2,15,265 chu ramchhung atanga khualzin niin ram pawn atanga khualzin mi 3,884 an awm bawk a ni. 

Tourism Department tarlan danin Rampawn atanga khualzin rawn lutte hi ram 14 atanga rawn kal niin nikum chhung khan Aizawl tlawha khualzin tam berin ramchhung atanga tlawhtu mi 24,559 awmin rampawn atanga tlawhtu hi 8221 an awm a, Champhai District tlawhtu pawh ramchhung khualzin 5003 awmin rampawn khualzin 497 an awm bawk a, Lungleii n dawt lehin ramchhung khualzin 2714 an awm bakah rampawn atanga khualzin mi 75 an awm bawk a ni.