Mizoram District hrang hrangte tana ‘Widow Cell’ siam thar chu hman theiha tlangzarh a ni

Zonuna Kawlni /

Mizoram District hrang hrangte tana ‘Widow Cell’ siam thar chu nimin khan Social Welfare Minister Lalrinpuii chuan a Pisa-ah a tlangzarh a, Women Cell kaltlang hian eizawnna neilo ten ei an zawn theih nan thiamthil zir bakah an harsatna hrang hrang sutkianna turte kalpui tur a ni ang.

National Human Rights Commission in Centre, State leh UT sawrkar hnena hmaithai te dilna chanvo humhim nan leh an hmakhua ngaihtuah sakna hmanrua atana Widow Cell din tura thurawn a pek bawhzuia ‘Widow Cell’ hawnna hunah hian Minister Lalrinpuii chuan Widow Cell din hian a tum ber chu hmeithaite hmasawnna tura kawng hrang hranga hmalakna bakah, hmalakna awmsa tih chak leh hmeithaite, an hmalam hun atana ruahmanna tha ngaihtuah sak a nih thu a sawi a. Hmeithaite tuamhlawm leh ngaihsak chu hnam leh khawtlang anga kan tih tur leh kan lo tih fo thin a ni tih a sawi a. Hmeithai-te dikna chanvo humhalh anih theihna turte, harsatna tawkte’n an kawng an lo sah en theihna tura kawng lo kawhhmuha lo puitu ni turte leh hmeithaite thlamuanna thlentu an lo nih theihna turin Widow Cell chu tangkai taka hman a nih a beisei thu a sawi a ni.

Women Cell kaltlang hian Hmeithai eizawnna neilo ten ei an zawn theih nan thiamthil zir (skill development training) lo ngaihtuah pui te, mipuite tana hamthatna Scheme hrang hrang sawrkarin a kalpuite lo hrilhhriat a ngaihtuahpui te, an mamawh dan azir a Psychological Counseling pek te, Dan hmaa an dikna chanvo an hum theih nan Legal Councelling pek te leh a dangte a huam tel a. Mizoram hi India ram State dang zingah Widow Cell din hmasa pawl niin Mizo-ram-ah hian Widow Cell hi District tina One Stop Centre tinah din nghal a ni bawk.

Nimin-a he hun hman hi Commissioner & Secretary Lalzarmawii chuan kaihruaiin WCD Director Zoramthangi Chhangte chuan Widow Cell din a nih dan tlangpui a sawifiah a. SWTAW &CD Joint Secretary Zonunthari chuan lawmthu sawiin hun a khar a. Hmeichhe pawl hrang hrang aiawhte he hunah hian an kal a ni.

Comments

Post a Comment

Popular News (Last 30 Days)

FG&CC Counsellor dahnghet

Zonuna Kawlni /
Image
Mizoram Synod in Serchhip-a Family Guidance & Counselling Centre (FG&CC) a kalpui meka Counsellor tura ruat Rev. Jonathan Pachuau dahnghehna hun chu nimin khan Serchhip Kawnpui Kohhran Committee Room No. 2-ah neih a ni a, FG&CC Director Rev. Lalthangpuia Fanai chuan Counsellor thar hi dahnghetin Rev. Zai-remkima chuan tawngtai sakna hun a hmang bawk a ni. Rev. Jonathan Pachuau hi Counselling ah term hnih a awm hnuin Biate Pastor Bial enkawl tura dah a ni a, tunah hian Serchhip-a FG&CC ah dah leh niin Rev. Rolungmuana Zadeng chu a thlak a ni.
Kimchang zawkin »