PARAKH Rashtriya Sarvekshan 2024 neih a ni

Rampum-a Educational Achievement Survey lian tham, tunhma lama National Achievement Survey (NAS) tih thin, PARAKH Rashtriya Sarvekshan (PRS) 2024 tih tak chu nimin khan Mizoram-a School thlanbik 1058-ah neih a ni. 

PARAKH Rashtriya Sarvekshan 2024 (PRS 2024) hi sawrkar laipui  hmalakna niin Survey kalpuina tur atan hian State Level Coordinator pahnih SCERT Director leh Samagra Shiksha State Project Director ruat niin anni bakah hian District tina DIET Principal leh DPC te chu District Level Coordinator niin, Field Investigator atan DIET zirlaite hman an ni bawk a. PARAKH Rashtriya Sarvekshan 2024 hi India rama zirna chungchanga Survey lian ber niin zirlaiten an thiam chhuah tura duan te an zirchhuak em tih enna tura buatsaih a ni a. National Education Policy (NEP) 2020 in zirna atana a tum bulpuite ngaihpawimawh a nih dan te, zirnaa hnufualna te, zirna huapzo kalpui a nih dan bakah Education Policy duangtuten Quality Education atana policy tha tak an duanchhuah theihna tura an hriat tur pawimawhte he survey hian a hrinchhuah beisei a ni.

PARAKH Rashtriya Sarvekshan (PRS) 2024 hi Mizorama School thlanbik 1058 ah neiin pawl 3, pawl 6 leh pawl 9 zirlai te atangin he Survey hi neih a ni.