Kum 5 hnuailam Aadhaar Enrollment tih theih a ni ta

Nausen piang hlim atanga kum 5 thleng te Birth Registration behchhana Aadhaar Enrollment tih theihna tur, Birth Registration Based Aadhaar Enrollment (BRBAE) chu Mizoram-ah kalpui tan a ni ta.

Hemi chungchang sawrkar thuchhuah in a tarlan danin Birth Registration Based Aadhaar Enrollment (BRBAE) hnuaiah hian naupang (nausen piang hlim atanga kum 5 thleng) tan Birth Registration behchhanin Aadhaar Enrollment a tih theih tawh dawn a, he hmalakna hi National Health Mission, Mizoram chuan October ni 2, 2024 atang khan a kalpui tan a ni. He hmalakna hnuaiah hian Naupang (0-5) te tana Aadhar enrollment chu awlsam zawka tih theih tawh niin, tunah hian Civil Registration System (CRS) portal atangin Birth Registration Number hmangin automatic-in data a lak theih tawh dawn a. Naupang Birth Certificate leh a nu emaw, a pa emaw Aadhar number chuah a ngai a ni. He hmalakna hi tangkai zawka mipuiin an chhawr theih nan National Health Mission, Mizoram chu Child Enrolment using BRBAE process hmanga Child Enrolment ti turin Registrar cum Enrolment Agency ah ruat a ni.