Mizoram-ah Electric hmang lirthei 554 awm tawh

Transport Department chhinchhiah danin Mizoram-ah Electric hmang lirthei 554 a awm tawh.

Kumin September thla thlenga chhinchhiah danin, Mizoram-a Electric Vehicle Registration ti tawh chu a vaiin 554 a ni a, heng zingah hian a tam ber, lirthei 553 chu ke hnih nei niin ke pali nei lirthei pakhat a awm bawk a, tunhnaiah Electric Vehicle hi a pung chak hle niin lirthei zuartute chuan an sawi a, Electric hmang lirthei hian tuialhthei a mamawh loh bakah a enkawl senso leh lirthei pangai nen chhutin Electric a hman man chu a tlawm zawk niin an sawi a, Dealer thenkhat chuan Aizawl khawpui hmun pawimawh ah lirthei charge theihna point an siam tawh a, hmun tam zawka dah tum an awm bawk a ni.

Mizoram sawrkar chuan tun thla ni 10 khan thuchhuah siamin, The Mizoram Electric Vehicle Policy 2024 hman tan a nih thu leh boruak thianghlim lo siam chhuak ve lo, Electric vehicle hman uar a nih theih nan Electric hmang lirthei te hamthatna hrang hrang a lo tarlang tawh a, heng zingah hian Aizawl khawpui-a lirthei intlanchhawkin Electric vehicle te a huam ve dawn loh thu te, lirthei park-na hmunah pawh an dahna tur hauhsak an nih dawn thu te leh hamthatna dang engemawzat tarlan a ni a, he Policy hian kum 2029-ah chuan Mizoram-a lirthei 5% tal Electric Vehicle nih tir a tum a ni.