YMA Volleyball khelh mek a ni

LBS Suzuki 23rd Inter Branch YMA Volleyball Tournament 2024 khelh mekah Serchhip Sub-Hqrs. YMA huamchhung atanga tel Branch hrang hrang ten hnehna an chang hlawm.

Central YMA leh Mizoram Volleyball Association (MVA) ten an buatsaih ‘LBS Suzuki 23rd Inter Branch YMA Volleyball Tournament 2024’ hi Aizawl-ah khelh mek niin niminpiah-a inkhel ah Serchhip Suh-Hqrs. YMA huamchhung atanga tel Mipa Team ten hnehna an chang a. Thenzawl Vengthlang Branch in Lawipui chu 3-0 (25-18 25-15 25-15) a hnehin Thentlang Branch te hmachhawn tur Nghalchawm Branch te an inlan loh avangin 3-0 in an chak a. Biate Branch in Lengpui Model Veng 3-0 (25-18 25-13 25-21) in an hneh bawk.

Nimin-a inkhel ah Chhingchhip Venghlun Branch in Upper Republic chu 3-0 (25-17, 26-24, 25-18) a hnehin Keitum Branch in Tlangnuam West chu 3-0 (25-22, 25-8, 25,10) in an hneh bawk. Vawiin a inkhel tur zingah Hmuntha Branch leh Bukpui Branch te an inhmachhawn dawn bawk a ni.