Serchhip District-ah ASF vanga Vawk thi 23 a awm belh

Serchhip District-ah nimin khan African Swine Fever (ASF) vanga Vawk thi 23 awm lehin heng zinga a tam zawk hi Serchhip khawpui pawnlam a mi an ni.
AH&Vety Department chhinchhiah danin nimin khan Serchhip District-a Veng leh khua 7-ah ASF vanga Vawk thi 23 awm lehin heng zinga 8 chu Khawlailung khuaa mi te an ni a, North Vanlaiphai-ah Vawk 7 thi bawkin Then-zawl-ah 2 leh Piler leh East Lungdar-ah pakhat ve ve a thi bawk a. Heng bakah hian Chhiah-tlang-ah Vawk pathum thiin New Serchhip North ah Vawk pakhat a thi bawk. Nimin vek khan ASF hri leng darh zel tur venna atana Vawk suat 58 a awm belh leh bawk a, heng zinga 36 chu Khaw-lailung khuaa mi te niin Lungchhuan-ah 8, Chhiah-tlang-ah 6 New Serchhip North leh South-ah pathum ve ve leh Chhuanthar Tlangnuam leh Serchhip Field Veng-ah pakhat ve ve suat a ni bawk.

Heti hian nimin thleng khan Serchhip District-a veng leh khua 30 ten kumin hian ASF vangin harsatna an tawk tawh a, ASF vanga harsatna tawk hi chhungkaw 1553 niin ASF vanga Vawk thi 2185 a awm tawh a, Vawk 5565 suat a ni tawh bawk a ni.